【黑人問號】黃偉文20年填詞生涯最大笑話 原唱：嗰時唔識廣東話
每次去到K房都總有一件必做的事，就是用廣東話唱國語歌，個種啱音與唔啱音之間的微妙感覺真的好頂癮。然後，昨夜黃偉文（Wyman）突然有感而發深夜點歌，內容就是圍繞住這兩種語言，起題：《二十餘年填詞生涯最大笑話》。
是咁的，1996年的時候劉以達讓Wyman為一首Demo填詞，內容自由發揮，大師不廢吹灰之力就完成作品，然後準時交稿，故事發展得好順利，劉以達也沒有再要求他修改歌詞，過了一段日子歌曲順利誕生。
Wyman繼續講故：「我第一時間找來聽，聽完的反應是『點解會咁嘅？』，如果21年前有『黑人問號』就好嘞！原來劉以達唔記得咗同我講：首歌係唱國語嘅！咁大佬呀我當時係完全無填過國語詞嘅100%廣東詞人嚟家嘛（其實同年有寫王菲《掃興》不過當時未出街佢應該唔知），咁你突然落個國語歌Order使唔使專登down聲先？我如果一早知係國語就唔會咁填啦......」
這首令Wyman擺晒烏龍的歌就是胡蓓蔚（豹嫂）的《我的天》，Wyman笑言如果覺得這首「國語歌」聽起來怪怪的，不要懷疑自己，用廣東話唱一次就知咩事：「試咗嘅朋友，請喺下面留言留返句『頂，係喎！』，Thank you！」
這一件笑料引來過百人Share，所有人悟出真理後都留下「三字真言」，而計筆者話豹嫂先最厲害，將一首廣東話歌唱成國語歌都唱得這麼好，隔了20年都冇人發現，不知道會不會考慮出山唱首《我的天》（廣東話版）呢？
記者致電豹嫂問起此事，她笑言自己也是隔了廿年才知道「真相」：「我當年唔知有個咁嘅故事，因為嗰時我係唔識講廣東話，啱啱嚟咗香港冇耐，達哥就係我第一個監製。」她笑謂証明Wyman勁，作的歌廣東話又得，普通話又得。談到會否試唱一次廣東話版？她表示一定會，但錄一首新一歌就太大陣仗，唱如此高難道的歌現在也未必做到。講到有網民提意下次Wyman開作品展，就由她來唱廣東話版，她笑言：「咁要睇下有冇榮幸先。」
順便提供埋歌詞，大家一齊試下唱一次！
|
我的天 |