張繼聰4年冇新歌　靠唱電影主題曲「止咳」：我一直都無放棄音樂

「暖爸」張繼聰近年在電視圈電影圈雙線發展，繼早前《陀地驅魔人》以「阿蔥」一角，入圍第35屆香港電影金像獎「最佳男配角」，今個月又有新戲《今晚打喪屍》上映。除此之外，張繼聰為新戲與白只合唱主題曲，唔通阿聰重返樂壇？

多棲藝人張繼聰，最近與多年好兄弟白只為新戲《今晚打喪屍》合唱主題曲。其實近年張繼聰多於參與電視劇及電影的工作，但講到音樂，繼2013年推出專輯《X》後，已開始慢慢轉型，進軍電視及電影圈。對於今次與白只合唱新歌《雙截龍》，是否為重返樂壇而鋪路，張繼聰表示：「暫時未有計劃，因為做音樂要花好多時間，而家嘅樂迷對音樂要求好高，所以如果要做音樂一定要過到自己嗰關先。其實我一直都無放棄音樂，我嘅生活都係同音樂有關，而家登台或出席其他公司周年晚宴，我都會唱自己嘅舊歌，而今次有電影主題曲比我唱，其實對我嚟講都算係幫到我『止咳』！」

電影《今晚打喪屍》主題曲《雙截龍》，由波多野裕介作曲/編曲/監製，梁栢堅填詞，張繼聰與白只合唱。歌曲以搖滾曲風配合感覺十足十電子遊戲的配樂，加上填詞人梁栢堅將今部電影及經典遊戲《雙截龍系列》情節融合，打造出獨一無二的《雙截龍》。