「謎」之女新人林羨淇 銀彈豐厚狂賣港鐵廣告 監製周啟生解畫
曾經有一些樂壇過來人表示，做歌手的第一年往往是最幸福的，除了有碟出外，公司會投放資源，為你安排到各媒體平台宣傳，爭取演出機會等，令你一開始就得到大眾關注。最近就有一位歌手，在未曾出席任何公開場合下，於港鐵已經開始用「銀彈」轟炸式廣告，未正式出道其ＭＶ已經破2８萬點擊，而且ＭＶ更蜚聲國際引來外國樂迷讚好，歌喉更為香港網民留下「深刻印象」，這位「謎」之歌手的名字叫做林羨淇（Suga）。
雖然在本地樂壇暫時未有很多人認識這位少女，但外國的歌迷也未免太關注香港歌手了吧？！眼見有不少海外歌迷「有誠意」留言及「網紅級」的點撃率，也有不少網民猜測究竟留言及點撃是不是用錢買來的，當然這也是一個「謎」！
「用錢去衡量會對佢好唔公道」
《男神為我唱首歌》是一首具節拍感，拍子輕快的歌曲。從ＭＶ可見找來不少Dancers為主角林羨淇伴舞，但她卻在MV中間位置擺擺pose就了事。
對於不論是歌聲或是ＭＶ質素都引來批評，作為這首歌的監製，作曲及編曲的周啟生表示：「我為Suga製作20首歌曲，上年完成10首，今年已經錄咗5首，嚟緊會做多5首歌。其實佢（Suga）對音樂真係好認真而且好有誠意。見佢咁有誠意我都唔賺咁多錢，專登擺多啲製作費落去，今次20首歌都會用Live Band而且首首都係喺大型錄音室錄製。」
講到今次歌曲製作費數字及是否有買like？周啟生表示：「炫富嘅野就唔講啦，如果用錢去衡量會對佢好唔公道，而且佢錄音嘅時候真係教佢點做就點做，佢真係好用心好認真。」
周啟生：網友可唔可以仁慈啲呀？
有時用心的製作，未必一定得到樂迷領情，今次《男神為我唱首歌》MV雖然有網友留言讚好支持，但其實這種「另類讚好，大家都知咩事」。監製周啟生再三希望網民多給機會和耐性：「呢兩年用咗好多心機，嚟緊嘅歌曲有好多唔同元素，有中樂有少數民族曲風，佢第一次唱歌已經算好好，網友可唔可以仁慈啲呀？比多啲耐性聽多幾首先批評。」不過在記者追問下，周啟生仍未有透露更多Suga的背景，難道想保持神秘？