唱片銷量2星期都贏五月天 新師奶殺手：冇CD機都買嚟支持！
成日聽人話唱片市道唔好，當好多人聽歌都未必用CD機的時候，歌手又如何單靠賣CD「搵食」，就算是一線歌手都未必做得到，何況係沒有「大台」支持的本地歌手？
連續兩星期擊敗五月天﹑C AllStar﹑周柏豪﹑MR.和譚校長的「新師奶殺手」，仲好謙虛話：「好彩啫！」
呢位「新師奶殺手」就係何弘軒(Alan)，其實他從來未試過在任何音樂榜上登榜首，不過一係唔登，一登就登足兩星期，而今次的機制更是靠「真金白銀」買碟，憑銷量多寡排行，因此他相當興奮！或許你會懷疑他自己買碟幫助銷量，他不諱言：「我買左兩隻咋！」
究竟有咩因素，可以令他賣碟仲多過當紅歌手，如周柏豪﹑五月天呢？他回應：「真係唔敢當，一切都係好彩！好彩有一班朋友及歌迷支持我，我知道佢地每人都買幾隻CD，有朋友屋企連CD機都無，不過都買幾隻去支持，亦有朋友買完再送比唔認識我嘅人，等更加多人聽到我嘅音樂，其實我真係好想多謝佢地。今次第一版所出嘅CD有2千張，未來將會有第二版推出！」其實Alan三年沒有出過專輯，面對如今的唱片市道，仍勇敢推出唱片，朋友自然支持。
何弘軒：師奶殺手…我當然不敢當啦
雖然何弘軒不是頂級人氣歌手，但他有好成績都是靠一眾粉絲支持，Alan的粉絲群以「姐姐」為主，他坦言：「每次無論我有簽名會，見面會或出CD佢哋都會支持我真係好開心。除此至外我亦要多謝一班「姐姐級」粉絲支持我，佢地真係當我係仔咁鍚我！」咁你認為自己算不算是師奶殺手？「師奶殺手…我當然不敢當啦！」何弘軒笑說。不過沒有「大台」支持，但又吸納到「姐姐級」粉絲，他都不明所以。
對於Alan今次成功在HMV登頂後有無信心在電台的排行榜再下一成，佢表示：「機制唔同我理唔到咁多，不過我覺得自己過去三年已經有進步，以前電台嘅DJ訪問唔會多，今次多咗電台訪問，而且我亦覺得我EQ都進步唔少。以前有網民會批評我，話我做歌手會game over，連我身邊嘅朋友都叫我唔好再發明星夢，以前嘅我會好在意，不過而家我會諗，有市場反應好過零反應，何況我身邊嘅朋友都改觀為我打氣。」
音樂會只有100張公開門票
何弘軒今年除了推出了全新專輯外，7月將會在九展開個音樂會，他表示今年音樂會主題都會跟專輯主題一樣以樂壇辛酸為主，希望入場歌迷可以找到共鳴。唱片如此賣得，果然打開售票網一睇，音樂會只剩少量門票！經了解後，發現因為贊助商的信心非常大，以致公開發售的門票只有100張，他解釋：「雖然暫時未爆，但非常好多謝贊助商，廣告商，歌迷會嘅信賴及支持，所以內部訂購已經佔9成，希望有更多對我新認識嘅歌迷入場支持啦。」
看到這裡，或許你未必認識何弘軒，從小做童星的他，其實甚有觀眾緣，直至2012年正式出道做歌手，剛剛推出的個人第三張專輯《Bitter Wisdom》，就用音樂表達自己在音樂路上嘅甜酸苦辣，雖然名氣不大，但成功在「HMV廣東及國語銷售排行榜」連續兩星期成為no.１，《Bitter Wisdom》在過去兩星期的銷量成績比C AllStar及五月天的新專輯還要好，真係非常誇張，不過在統計播放次數的音樂平台排行榜，仍未見其蹤影，加油啦！
《是我的錯》曲／詞： 何弘軒 編／監：Johnny Yim
收錄於何弘軒第三張專輯《Bitter Wisdom》