新歌RAP失戀　馬米自稱愛情狩獵者：我未失過戀

曾經多次自稱自己為全港最靚仔嘅rapper Masta Mic（馬米），繼2016年推出單曲《Good Times》後一直未有新歌。直到最近終於推出了2017年嘅第一支單曲《Backseat Love》。MastaMic表示：「《Backseat Love》係我作品入面比較少見嘅情歌。內容講一個男仔一直暗戀自己嘅好朋友，可惜一直未敢表白，直到個女仔有男朋友。喺一次聚會後，男朋友駕車接女孩，並順路送男孩回家，男孩喺後座見到個女孩同男朋友嘅耍樂，心中不是味兒，喺車程中嘅心路歷程。」

問到Masta Mic今次呢首歌係唔係Rap緊自己經歷，Masta Mic：「點解有咁多人都咁問？個故事真係唔係講我，係我朋友嘅故事。其實我真係未失過戀，我係一個唔會失戀嘅愛情狩獵者。」

Jase @ C All Star為歌曲加入R&B味道

Masta Mic對上一隻歌《Good Times》就搵嚟Jerald (Swing成員)合作，今次《Backseat Love》就搵嚟Soul Jase (C All Star成員)唱副歌。「我一直覺得Hip Hop加R&B係好好聽，而喺香港要搵到一個能夠唱出呢種味道嘅人只得幾個，而其中一個就係Soul Jase。今次真係好多謝佢嘅幫忙。」Masta Mic說

Masta Mic：「今次《Backseat Love》無論製作上或MV拍攝質素上，都拍得住簽咗大公司嘅歌手嘅作品。我好想再一次多謝導演Dee嘅幫忙。喺香港做Rap真係唔容易，希望大家多多支持。」