JW吳業坤合唱港女情歌勁有Feel 坤哥：唔再當兵 !
等左一段時間，坤哥（吳業坤）仲有JW王灝兒終於有新歌啦！一係唔派，一派就派一支合唱歌《原來只因深愛著》。心水清嘅網友一睇就估到係《原來只因深愛著》正正係兩位嘅成名作《原來她不夠愛我》及《矛盾一生》嘅延續。坤哥想當年進軍樂壇，憑著第一首派台作《原來她不夠愛我》，成功在樂壇打響名堂，當時風頭一時無兩。至於講到JW王灝兒，除了在唱片公司A-music年代時已經有不少名氣，之後加盟Sunny Idea首支主打《矛盾一生》，更成為k場必唱歌。兩支歌曲在分別在網上熱爆程度用點撃數嚟講都係過千萬起跳，今次《原來只因深愛著》分分鐘可以為佢地嘅點擊率更上一層樓。
《原來只因深愛著》推出第一日已經引嚟一班支持者討論，而JW及坤哥眼見大家嘅留言亦不忘道出對《原來只因深愛著》嘅感受：
JW：「矛盾一生出咗嚟之後聽到好多聲音，男有男嘅想法，女有女嘅矛盾。如果仔細睇吓我同坤哥分別唱嘅歌詞，你會睇到『原來他不夠愛我』和『矛盾一生』兩邊嘅睇法。其實人生中，各有各要面對嘅問題，要面對嘅煩憂，全都只是遲早嘅問題。戀愛路上，偏差的終點未免會糟蹋了很多人，傷了很多心，流了很多淚，但人生就是這樣，it's all about timing and meeting the right person whom you love. 」
坤哥：「不再當兵 ,人大了，對感情的投放會改變。 從前這個男生只為了自己的表面快樂滿足，為了待在她的身邊叨光而奉獻了自己的全心全意，並沒有想過她究竟希望得到什麼，失望不安什麼。 這個男生長大了，在經歷中重新審視了自己，原來不是她不夠愛，而是根本他不懂愛自己。他學懂了抽身，學懂了對自己憐憫，學懂了愛自己。」
《原來只因深愛著》除了係兩位成名作《原來她不夠愛我》及《矛盾一生》嘅延續，不論原唱者，MV男女主角，到幕後創作班底，都係動用了《原來她不夠愛我》及《矛盾一生》嘅班底。真係要講句，一係唔做，一做就要徹徹底底！今次真係要比個叻叻豬佢哋，睇怕今年最HIT合唱歌都係非佢哋莫屬！