趙學而演唱會｜首與管弦樂團開騷　一聽方皓玟名曲即落淚唔敢唱

趙學而夥拍香港業餘管弦樂團，昨晚（10/4）於伊利沙伯體育館舉行《趙學而x香港業餘管弦樂團音樂會》，共演繹25首歌曲，除了自己的經典作品《我恨我是女人》、《自欺欺人》和《尋開心》等，亦翻唱不少新歌及懷舊金曲，她唱自己歌時冇喊，反而聽到樂隊演奏《假使世界原來不像你預期》時，就在台上灑淚。

趙學而夥拍香港業餘管弦樂團，昨晚（10/4）於伊利沙伯體育館舉行《趙學而x香港業餘管弦樂團音樂會》，開騷前學而聯同指揮蘇潔明（Moon）率領一眾樂手及幕後工作人員等舉行拜神儀式，祈求演出順利。為保養好嗓子，學而拜神時絕少開聲說話，可見對演出極為著緊和認真。她亦特地為今次演出換了一頭齊蔭短髮，感覺煥然一新，希望在外形上為觀眾帶來新鮮感。

現場所見，莊韻澄、郭奕芯等皆有捧場，廖碧兒、應智越（細貓）等則送上花籃祝賀。場外有紀念品發售，如明信片、Tee及CD，價格由$100至$320，開場前有不少觀眾排隊選購。

演唱會8點15分開場，管弦樂團以一曲《天空之城》為揭開序幕，學而緊接以桃紅色背心閃裙登場，唱出《我恨我是女人》、《每隔兩秒》以及出道以來首唱的《怎麼說》等，亦有較新的《其實怕選擇》。

之後學而唱出連串翻唱歌，包括：蔡齡齡《細水長流》、林欣彤《鐵樹》、Dear Jane《到底發生過什麼事》，其中介紹原唱為方皓玟的《假使世界原來不像你預期》時，學而說：「呢幾年有啲歌畀到我好多力量，令到我個人好Touch。」又指自己一唱這首歌就必定會爆喊，所以今晚不敢唱，交給樂團演奏，並邀觀眾大合唱，最後她坐在台上聽這首歌時仍感觸落淚，難忍淚水；上半場以獨唱版《誰明浪子心》暫告一段落。

中場休息後，樂團演奏《似水流年》、《為你鍾情》、《摘星》、《海闊天空》的Medley，學而再換上連身牛仔裙，唱出《浪子心聲》、《狂潮》、《乘風破浪》、《強人》等懷舊金曲，笑言：「係咪放完個中場休息，以為自己去錯地方呢？我都一把年紀，我都係聽呢啲歌大㗎。」

尾段學而唱出自己的《據為己有》、《輸給戀愛的女人》、《自欺欺人》等，但唱完《尋人》後，她突然與指揮的Moon咬耳仔，之後宣佈重唱多次，未知是否不滿意自己有甩漏。她唱完後笑言觀眾很喜歡睇自己講錯嘢、唱錯歌，並說：「每一次有任何閃失、甩漏，你哋都仲覺得好歡樂，多謝你哋！多謝你哋養育咗一個可以有無限錯失嘅我，但係都自己提住自己，就算錯都唔可以辜負自己期望，錯都要重新嚟過，而你哋都好寬大去原諒我嘅過失，講出嚟都好無恥，多謝你哋！你哋真係好愛我，我知道嘅！」來到演唱會尾聲，學而講明冇Encore，唱完《尋開心》就跟觀眾講拜拜，演唱會亦在10點50分左右圓滿結束。

【民選電影大獎】送您maxcare心動椅(價值$32,800)，即入嚟投7項目電影大獎兼答簡單問題即賺高達888「01積分」，大獎得主隨時係您！