【多圖】容祖兒曾被嫌棄樣唔靚跳舞差：幾間唱片公司都唔要我

昨晚容祖兒於演藝學院舉行side track演唱會，才剛介紹完自己「最私密的地方」之後，Joey又公開自己的擇偶條件，她坦言世人無辦法明白自己，因為自己實在太特別，她解釋道：「我真係完全唔睇外表，我唔鍾意靚仔，但我唔鍾意靚仔唔代表我鍾意醜樣！」Joey話自己只要求「above average」，又要有肉地，因為她覺得抱起來很有安全感，另外Joey指明要音樂才華，她覺得男生會樂器令她很着迷，這樣形容好像很離地？ Joey直接用例子回答你：「好似阿Y，如果佢OK我OK佢架，但當然我知佢唔OK我啦。」根據Joey列出的條件，歌迷又提議她陳奕迅是很好的人選，她笑言：「佢係below average，I'm sorry，我係咪太直？」

自爆擇偶條件後，Joey還未夠喉，她突然拿出13歲時寫的情書，她自言從小都好喜歡用文字來表達自己，特別喜歡書信來往，即使以前跟男友日夜相見亦要寫信傳情，她拿起信紙朗讀道：「93年3月16日，Dearest 嘟嘟嘟，你好嗎？我啲字靚唔靚啊？值幾多分？呢張PC Duck信紙係我特登買嚟寫信畀你架，哈哈，點解我會x你，因為你可愛、得意，不如你都寫信畀我知點解會x我嘅，仲有3個月我就生日，可唔可以同我講生日快樂。」到底x是什麼呢？台下觀眾大喊是愛， Joey笑笑回答道：「乜你哋咁大膽嘅，13歲嘅我好細膽、含蓄，連鍾意都唔敢講，好彩我有好多情歌可以代表我嘅心意同我愛嘅人講出嚟。」

每一首side track都是滄海遺珠， Joey亦曾經以為自己是一顆遺珠，她剖白道：「好多年前其實容祖兒曾經係一粒滄海遺珠，當時簽過幾間唱片公司都唔要我，我個樣又一般，跳舞又普通，事業上碰到好多釘，但好細個已經知道一定要努力，機會再細都要好好把握，我記得第一次係喺北區一間學校表演，之後我竟然可以去紅館，再之後今日可以喺演藝開一個咁冷門嘅Side Track演唱會，仲要一票難求，將我由一粒滄海遺珠變成你哋嘅掌上明珠。」今次的演唱會對Joey意義非常，這是她首個完全參與當中的演唱會，她還有自己的名銜，叫做「創意總監」，她說：「我唔再係得個講字，演唱會入面任何一首歌都係我精心挑選，頭先唱歌時好似時光機咁返咗去18年前，每一首歌都代表每一個階段，多謝你哋每個階段都陪住我，晴天、雨天、大風雪都係同你哋一齊，我就唔孤單。」

完騷後Joey檢討自己在演唱會裏很多「甩漏」，因為太多話想說，太多講稿要背，但感恩入來的觀眾都係真心喜歡自己的人，所以這個「甩漏」令Joey更真實，相信觀眾會喜歡。她大爆男友劉浩龍之前兩場都有到場支持，被問到台上講過的擇偶條件師兄他接近嗎？ Joey頓時流露出幸福笑容：「佢本身都合符我條件。（佢係above average？）係呀。」她大爆自己已經不會寫情信而改為寫聖誕卡，因為她特別喜歡寫字，用文字來記載感情，不知下次會否由師兄讀出 Joey寫的肉麻聖誕卡呢。