容祖兒Side Track騷大爆「最私密地方」：我個嘴好厚好Sexy！

容祖兒《My secret live》Side Track演唱會今晚終於正式公開演出，早兩日分別是歌迷、客戶專場，因為現場嚴打拍攝、錄影，所以演唱會內容通統保密沒有流出。而楊受成、楊太、謝霆鋒、洪卓立、湯怡、泳兒亦有到場支持，霆鋒身穿衛衣套上帽子現身引起全場觀眾叫呼，之後由好友蔡卓妍（阿Sa ）做旁白揭開序幕。

一頭粉紅長髮、粉紅紗裙的Joey登場，她搞笑道：「睇唔睇到我件衫啲質地幾好，Chanel嚟架。」Joey先後帶來《最好時光》和《男朋友與歌》，她說：「早喺7年前No.6 演唱會encore環節歌迷不停點《麻煩你》、《去火星戀愛》、《舊日回憶的山丘》，一首又一首唱到唔肯走，我話咁開心不如整個Side Track演唱會啦，點知一等就等咗7年。」Joey稱粉絲為「傻豬」，苦苦等了她7年。

燈光一亮，原來場景是Joey的家裏真實版，她說要給大家介紹她「最私密的地方」，原來台上面的家具，小至咕𠱸，大至Miffy人型模型都是從家中帶來，她又大爆自己一個小習慣：「我屋企周圍都有好多唇膏，你知啦，我個嘴好厚好Sexy，要好好保養佢。」接着又抱起台上的狗仔毛公仔介紹她的愛犬狗狗，她說：「因為演藝學院唔畀帶畜牲，即係小動物，咁我只好帶隻假狗嚟。」