C AllStar送別經理人　釗峰感恩成軍背後支柱：而家雖然遠咗啲

早前C AllStar已經預告過，過去合作已有12年的經理人小吉和監製阿簡將會移民，展開新生活。今日（6/2）凌晨二人啟程離開香港，意味C AllStar將要迎接新階段，而梁釗峰、On仔（陳健安）和Jase（何建曦）也到機場送別戰友。

三子在社交平台分別以《留下來的人》歌詞自勉，On仔和Jase在限時動態中用上最後一句「那日見」，而釗峰則用副歌中一句「只可接受新生活的蛻變」來形容當下感受。釗峰又貼文憶起阿簡和小吉在這12年來陪他走過不少迷失的時候：「2009年，遇上，無數個重要時刻，我們都同在。鬧過交，比佢哋煩過，一齊開心過，興奮過，亦有感動過，啲眼淚呢…邊數得清。迷失嘅時候，慶幸咁多年背後有兩位支柱，而家雖然條柱就遠咗啲，我哋各自好好為新生活加油吧！」

而On仔在貼文中則直言阿簡和小吉是多年來最大的舒適圈：「簡，多謝你嘅栽培，多謝你成就C AllStar嘅一切，亦製造我23歲至今最青春最黃金嘅回憶，多謝你嘅任性。小吉，永遠記得你最強嘅一句，『俾啲好嘢人睇！』12年嚟辛苦哂，多謝你。」今次兩位C AllStar領航人物的離別，On仔認為是一個最適合更認識自己和世界的時刻。