AGA明年1月開紅館騷圓夢 直言百感交集：去到試衫嗰刻先覺得實在
撰文：劉傳謙
出版：更新：
AGA（江海迦）今日（11/11）現身電視城，為台慶項目進行綵排。這次是AGA第一次參與台慶，她指今次有機會自彈自唱自己心愛的歌曲《似水流年》，對今次能參與其中感到興奮：「見到好多歌手好努力咁綵排，覺得大家每年都會挑戰唔同嘅項目，可以參與到呢個派對真係好開心。」
兩年多內經歷兩度延期，AGA終於能舉辦首個紅館個唱，她坦言此刻心情百感交集：「之前已經取消咗兩次，今次係去到試衫嗰一刻先覺得有種實在嘅感覺。今次班底已經磨合咗接近兩年，中間有啲新歌，概念都係咁變，但係大家都未知會喺邊一刻發生呢件事，過去兩年不停做新歌、改歌單，我都覺得係值得。好期待同歌迷分享難忘嘅一晚。」
說到紅館，AGA也分享一段與紅館有關的往事：「以前仲係做作曲人嘅時候試過三年都賣唔到歌，有一晚我好唔開心咁同朋友行上紅館附近，一路行佢就一路同我講『你一定得，終有一日一定嚟到呢度』今次真係上到紅館開騷，我想請返呢位朋友睇，覺得呢件事特別有意義。」
談起最近恩師舒文親自找七仙羽（七師傅）為自己的演唱會加持，AGA也不忘感謝兩位：「我知道舒文平時唔睇風水，今次係第一次睇風水，覺得佢好搞笑。我愛師傅！」