姜濤認打波時比較衝動：身為藝人要以身作則，以後會控制得好啲

姜濤不時在維園籃球場被野生捕捉他的打波英姿，近日網上討論區有網民以「姜濤在維園球場與人產生爭執，姜濤大戰惡漢！」為題出po，並附上兩條影片。片段中，姜濤被壓倒，在旁觀戰有人嘩嘩聲大叫，亦有波友上前勸阻。其後他的籃球被搶走，他咆哮一聲起身走開。

姜濤今午與MIRROR成員出席《叱咤樂壇流行榜頒獎典禮》記者會時，承認以前打波係比較衝動，Jer(柳應廷)聞言後即笑指：「唔係以前，而家都係。」姜濤表示：「所以睇完條片之後，覺得身為藝人要以身作則，無論點都好，打波時都唔應該太衝動、發脾氣同人有爭執，希望做返好嘅示範，以後會控制得好啲。」