黎明叫網民估同邊個合作　網民洗版式留言：一定係MIRROR！

黎明剛剛完成了一連9場紅館演唱會，期間除了唱出多首經典金曲，更爆出多句金句，而每晚的星級嘉賓都成為焦點。今日下午黎明突然無預警地在社交平台上載了一張「Lai x ??????」及26個英文字母的照片，並留言寫道：「究竟我同邊個合作？？？估到邊6個英文字母組合，送你Clips（正在諗緊點送好，度度度緊…）」

有大批粉絲留言表示只有偶像黎明就足夠，「其他一切都不重要」、「邊個都好，你選擇嘅都係你欣賞嘅，期待呀！」。不過有網民就猜測，跟黎明合作的，很大機會是MIRROR，因為MIRROR有6個英文字母，亦有人留言表示「MIRROR？但邊個都好，最緊要有Leon！」但有粉絲就反對Leon跟MIRROR合作，並表示「可唔可以唔好又MIRROR呀，我呢世淨係鍾意黎明你一個㗎咋」、「12個MIRROR都無一個Leon咁吸引」