陳柏宇奪新城三獎　回應健吾「娛圈玩具」論：佢唔好埋嚟摸我就得

樂壇第一張成績表《新城勁爆頒獎典禮2016》於昨晚派出，今年表現出眾的陳柏宇（Jason）、鄭欣宜和李幸倪毫無懸念地成為大贏家，在歌曲獎後仍齊奪三獎。其中Jason在開場不久後便獲頒發「新城勁爆突破洪荒歌手-男歌手」，再憑《上集大結局》奪得「新城勁爆歌曲」及僅次於早前在網上公開力撐他的張敬軒，摘下「新城勁爆男歌手（銀）」。

於慶功宴時，Jason笑說獎項這種事不分輸贏，即使自己過往坐在台下沒有獎也不覺得自己輸，沒理由得獎就覺得自己贏。談到軒仔在「叱咤我最喜愛男歌手」中投了他一票，他直言感謝之餘亦有點壓力：「佢投得畀我的話，即係佢心目中我今年嘅分數係高，但我用自己方法計，應該冇佢諗咁高分。」提到軒仔事後解釋話想多些新面孔上頒獎禮舞台，Jason即謙虛話：「我少上吖嘛。」

講到日前網絡紅人健吾一篇評價頒獎典禮的文章，當中提到Jason「自我那麼大，很快會成為娛樂圈和娛樂版的另一件玩具」，Jason坦言在眾多朋友中，只有一個人將文章轉發給他，証明大家都不太在意：「冇好氣憤，睇完就算，我諗我唔能夠花心思，去諗一個我唔識嘅人對我嘅評價，如果係咁嘅話我一日要擔心幾百萬次。」

他又笑言自我是正常的，做歌手當然要有一點自我，不然和其他人有何分別？「但都係嗰句，對我有批評嘅，講說話就算係難聽嘅一定唔單止佢一個，所以我一定唔會花精力去唔開心，把口生喺人哋到，佢鍾意講咩咪講咩囉，總之佢唔好埋嚟摸我就得。」他又講到，之所以會話得獎沒有特別開心，是因為自己未得獎時，已經在工作中很滿足很開心。