RubberBand加場門票火速售罄　Facebook安慰粉絲：依家先問太遲喇

早前RubberBand宣布4月4及5日，於紅館舉行兩場演唱會，相隔9年再踏紅館舞台。而日前優先發售的門票反應熱烈，短短30分鐘售罄，很多搶不到飛的歌迷大感失望！主辦單位為滿足更多粉絲，決定於4月3日加開1場：「你哋嘅訴求我哋都聽到喇，經過下午嘅一輪協商，我哋依家決定...加開 4月3日一場！」

而最新一場的門票，亦於3月17日公開發售當日已火速售罄，RubberBand只能在Facebook安慰粉絲：「Sorry呀 Marco，你依家先問有冇飛已經太遲喇！今次啲觀眾實在太勁，三場嘅音樂會門票都已經賣晒喇。無論你再點樣逼迫呢幾個人，佢哋都唔會有飛俾到你㗎喇。不如大家一齊集吓氣，睇吓會唔會奇蹟嘅發生啦～再一次多謝大家嘅支持，紅館見！Ciao，是Goodbye，也是Hello。RubberBand Ciao音樂會，從聚到散，從散到聚，約定你，再見，然後再見。」