Chill Club｜趙學而試唱Hip Hop　擔心拖累嘉賓：希望唔會出事！

ViuTV音樂節目《Chill Club》開始錄影第四季，節目主持之一趙學而今日（11/9）接受訪問時透露，三位主持將改以輪更方式，安排其中兩位亮相，更不時會邀請歌手擔任嘉賓主持。她希望日後在節目中與更多歌手合作：「今日有林二汶嚟做嘉賓（主持），希望嚟緊有多啲唔同類型嘅歌手上嚟做下嘉賓主持，同我哋一齊玩下。」

趙學而談到今日與說唱歌手Dough-Boy和Heyo合作，雖然有機會挑戰新類型的音樂，但在錄影時卻十分緊張，又希望今日表現沒有影響嘉賓發揮：「呢個唔係我好擅長拿捏嘅曲風，如果唱得唔好，感情發揮唔好，唔知會唔會影響到嘉賓。始終啲歌係佢哋創作嘅，佢哋（投入）嘅感情係最強嘅，我一個陌生人接觸嘅時候，唔知道會帶咗啲咩感覺，影響咗佢哋演出都唔出奇，希望唔會啦！」被問到會否與林二汶合唱，她指：「真係需要諗下，因為我同佢（唱）嘅Key都真係相差得好遠，睇下有冇機會啦。」