商台DJ麻利盼歌手重視咬字 姜濤粉絲護主引罵戰：佢只係小朋友
撰文：劉傳謙
出版：更新：
現與「Do姐」鄭裕玲主持《口水多過浪花》的商業電台叱咤903 DJ麻利，日前在社交網站分享討論正音的文章，希望新一代歌手開始重視咬字，否則會讓下一代懶音問題更嚴重。不過分享後，卻惹來一眾姜濤支持者不滿，紛紛inbox理論，其中一名「姜糖」更鬧爆：「佢唔需要唱歌咬字正都可以好紅！唔該唔好再單打佢，濤濤只係一個小朋友！」
+5
麻利隨即在IG限時動態上還擊，表示自己並非針對一個人，又指Fans對號入座：「我冇開名就係因為我唔係講佢，亦唔單止只會講佢，開名就話我點名批評人，唔開名就話我媽咪姐？會唔會係你哋自己都知道自己偶像有懶音，全部走嚟對號入座，然後我係一個講出呢個現象嘅人，就係我唔啱？」其後麻利繼續出post指：「我梗係知大部姜糖都係識得乜嘢係正確啦，大家唔使咁緊張，我會因為任何人嘅行為影響我對姜濤嘅觀感，大家都係成年人嘛。如果姜B係受保護動物就大件事啦，好彩佢都係一個緊張自己事業，努力不斷進步嘅人啫。」
麻利相信姜濤係個緊張事業，努力不斷進步嘅人。（按圖放大）（資料圖片）
+4