【鄭秀文演唱會】新歌唱到落淚 Sammi：人生每個階段都有唔同領悟

每次開演唱會，Sammi以往也會Plug一首快歌作為主題曲。今年一換作風，Plug了一首慢歌《我們都是這樣長大的》，她解釋：「我覺得人生喺每個階段都會有唔同領悟，人係會長大，會有所不同。嚟到呢個階段，我經歷咗好多，人生有好多嘅沉澱，亦有好多考驗。所以今次揀咗一首慢歌作為主題曲，但冇諗過hit過哂我過往嘅主題曲，我深信係因為歌詞好觸動到每一個人，其實喺我哋成長過程，每個人都有開心、每個人都有唔同嘅眼淚，有屬於自己嘅經歷，但唔緊要，因為《我們都是這樣長大的》。」

語畢，她便唱出新歌《我們都是這樣長大的》。未幾，Sammi更唱到哽咽落淚，今年對她來説發生太多事，連串工作加上婚姻上的考驗，大概歌詞中「兒童有著兒童畏懼／成人都有成人唏噓／年年適應年年老去／而智慧是沈著面對」幾句，令Sammi特別感觸。

Sammi感觸落淚逐格睇清