姜濤率隊友表演四手聯彈　MIRROR開騷前冀仿韓團合宿增默契

由ViuTV選秀節目《全民造星》12位參賽者，包括姜濤、Ian、Lokman、Anson Kong、Anson Lo、Edan、Jeremy、Frankie、Alton、Stanley、Tiger及Stanley組成的男團MIRROR為12月21日的首個演唱會舉行記者會。

為答謝粉絲支持，他們透露在演唱會將會與企位區的歌迷有近距離互動，12位成員也將會組成小分隊表演。其中率先公開三對小分隊，包括姜濤和Anson Lo，Ian和Edan表演四手聯彈，以及Lokman和Frankie表演熱舞等等。隊長Lokman表示他們12位成員全部都都有份參與演唱會構思：「由一開頭我哋知道要開演唱會，我哋同花姐、其他同事都一直溝通緊。有啲咩係我哋最想玩之餘觀眾又可以睇得最開心。」

MIRROR成軍日子只有一段很短的時間，大多韓國偶像團體都會被強制合宿來增進成員之間的感情，他們都覺得可以試試這個方法：「想喺演唱會之前睇吓有無機會可以合宿一段時間增加大家嘅默契啦。」Lokman似乎不太願意：「咁就慘啦！日頭排完舞又見，夜晚返到去又再mark舞！」

作為香港首個以12人組成的男團，當然也不免會被拿來跟向來以多人為主的日本和韓國團體作比較，他們有否以哪個團體為學習對象？Jeremy認為他們應該有自己的特色：「我哋係香港嘅男團，所以想有返香港嘅特色，有我哋自己MIRROR嘅特色。無話想仿效或者模仿邊個，大家都有唔同嘅優點。我哋香港都有㗎，BOYZ、Twins、草蜢呢幾位大前輩都係我哋嘅學習對象。」