【超犀利趴9】新手爸林宥嘉「缺席」　派潛力新人「林小弟」代唱

8月3號林宥嘉於網上宣佈正式做爸爸，太太丁文琪順產誕下林小B，正式成為三口之家，亦開始陪老婆坐月。原定林宥嘉會出席5號晚超犀利趴9演出，不過喜獲麟兒後就出奇招，「派出」心中最有潛力嘅新人「林小弟」代佢演出，染上一頭金髮唱出多首金曲，令人驚艷。

Yoga喜獲麟兒後原本要照計畫出席超犀利趴，估唔到開場時螢幕上播出一段影片，Yoga向觀眾致意無法到現場，特地情商一位佢心目中最有潛力嘅新人「林小弟」代佢演出。臨時拉伕上陣嘅「林小弟」，一頭金髮掩蓋三分之一容貌，高唱《讓世界毀滅》，佢話：「今天我想把林宥嘉的歌迷搶過來，我就可以出道了！」其實林小弟初登場就被林宥嘉感冒傳染：「林宥嘉最近陪老婆，剛做老北（老爸）沒幾天，做到重感冒，害我現在聲音也沒有很好。」但完美演繹驚艷現場觀眾。

林小弟介搵來四位同學組成「五。。。影某」，一起為這首歌編排了一段舞蹈，讓整首歌連舞台效果都充滿驚喜。林小弟對音樂的用心，令首次登台演出的他，立刻贏得全場萬名觀眾的大聲賀彩。當然少不免演唱林宥嘉經典歌曲，包括《傻子》、《說謊》：「本來我想唱更少林宥嘉的歌，但這畢竟原本是他的場，所以只好多唱了幾首。」用心地重新改編林宥嘉嘅歌曲，仲唱咗林宥嘉本人從來無公開演唱過嘅《拾荒》，最後在《成全》的全場大合唱當中，完美結束他的初登場。