【專訪】釗峰拒做「流行落水狗」 反思樂壇「鬥苦鬥慘」畸型生態
C AllStar成員近日各有各忙，而最常跟大家見面的，可說是率先彈出推出單曲的釗峰。近日忙於奔波各大辦公室進行一連串宣傳，昨日(6月7日) 下午，釗峰也襯著下午茶時間親身到《香港01》辦公室與職員鬆一鬆，來一場忙裡偷閒的音樂對話，更帶來新歌《月亮不代表我的心》。
攝影：羅國輝
到底釗峰算唔算新人？
樂壇有一個奇怪的慣例，便是每逢有組合成員獨立發展後，也會把他當成新人，重新競逐樂壇新人獎項。就如Hotcha、草蜢等也經歷過同樣情況，不少人說，這對歌手其實是一個「Honey Moon Year」，因為新人獎項總是較易得到。對釗峰來說，他在C AllStar時代已得到過「叱咤樂壇生力軍金獎」，也得到過2013年的「叱咤樂壇組合金獎」及「叱咤樂壇我最喜愛的組合」，重新以個人身份出發，到底「梁釗峰」還算不算是新人？
他坦言：「如果以獎項去計，我都係交畀公司決定競唔競逐新人獎。但對我自己嚟講，由錄呢首歌開始，我已經當自己係新人。即使大家叫我青峰、劍鋒，我都完全理解，因為我只係C AllStar嘅一部份，大家記得C AllStar我已經好高興。而梁釗峰，大家可以從音樂重新認識。」
率先彈出，兄弟有冇嬲？
C AllStar一行四人，同時獨立發展，必定會出現先後不一的情況。雖然近日出歌，另外三位好兄弟也有拍片力撐釗峰，但幕後他們四人又有否好好溝通過？釗峰簡約有力地回答：「我哋研究出嚟嘅答案係鬥快彈出，因為大家都有自己嘅schedule。但對我嚟講，其實最快彈出嗰個應該係阿King，因為佢想玩EDM，而今個星期，佢就正好係Road to Ultra嘅其中一位DJ。你諗下，Road to Ultra，一個咁國際性嘅音樂節，我哋平時去睇咋，而佢做咗DJ King呀！我聽到都戥佢驕傲。」
《月亮不代表我的心》
釗峰重新塑造自己的形象及路線，旁人都會說：「唱返《天梯》啦！整個2.0版，一定紅！」的確在廣東樂壇，鬥苦鬥慘鬥煽情已是常態，這種「落水狗」姿態放在每位歌手身上，也彷似一個倒模，雖然是成功的捷徑，但卻令人發悶。而釗峰透過新歌，正正希望不再做「流行落水狗」。
釗峰在《01 Music Live》當中，不時強調自己並不只有「深情歌」的一面，除了《天梯》，釗峰的可能性可以更廣闊，故此他在現場演出時也特意選唱了《人車誌》這類較跳脫的作品。不過釗峰並不著急：「好似搭車咁，如果突然U-Turn，你都會覺得頭暈，所以我寧願慢慢嚟，多角度咁逐少變化。好似今次《月亮不代表我的心》咁，我都唔會好似《天梯》嗰種爆發咁強烈，亦冇用Head Tone（頭腔）去唱。呢首歌由Eric Kwok作曲，所以保留咗佢一貫有型嘅風格，啲人成日話釗峰係可愛，但我唔想再係可愛囉，我都想有型，所以今次呢首歌個氛圍會唔同咗。」