古巨基開騷玩感性：而家做歌唔係為咗做情歌　而係想為香港做更多

古巨基《我們》世界巡迴演唱會昨晚順利完成第一場演唱會，不論以舞台特效、故事性，還是氣氛來說也是一流，基仔多首經典作品令樂迷相當投入。
攝影:陳順禎

演唱會第三部份以「青葱」為主題，襯著基仔換衫的時候，5歲的「打鼓神童」Rondi身穿校服上台與KB表演了一段「Drum Battle」，Rondi表現淡定有力，話佢只得5歲都冇人信。

基仔換上粉紅色西裝再次出場，唱出《藍天與白雲》、《致少年時代》時，大銀幕變為香港屋邨的背景，不用多說話，意境已帶出整個故事，帶領樂迷搭上時光機，回到屬於自己嘅孩堤年代。

節奏一變，基仔唱出近期與黃子華合作的《子華說》，配合著銀幕豐富的畫面與Dancers的熱舞，連台下的子華神也邊聽邊點頭。及後基仔更罕有地跳出連串Dance Medley，一架小巴從台側開出，所有舞蹈員都站到車上bounce起來，設計相當用心。

今次演唱會有一大部份也跟古太有關，尤其踏入第四部份，可說是公然「放閃」。基仔大爆:「我覺得古太最可愛嘅時候，就係佢瞓教瞓到扯晒鼻鼾嘅時候。其實佢鼻鼾好大聲㗎，不過點解我會覺得呢個時候最可愛呢?因為當我老婆可以喺呢個小康之家，好安心咁熟睡嘅時候，我就覺得好滿足。」隨即唱出《愛回家》，真係冧死人!

唱出《心跳回憶》後，草蜢出場與基仔一同唱出《忘情森巴舞》，更走到台邊與觀眾握手，引起全場高潮。作為好友的草蜢自爆，早在基仔第一次拿「叱咤」的「最佳男歌手」時，已激動得流下淚來。基仔立即笑著糾正他們：「叱咤嗰個唔係叫『最佳男歌手』㗎！」令台下捧腹大笑。

提起基仔，不知為何總會想到他的兒歌，也許是他的確陪伴著一代人的成長。去到演唱會差不多尾聲，他唱出《我愛毛查查》時，差不多全場觀眾拍爛手掌合唱，他自己也不禁疑惑：「都唔明點解你哋咁鐘意呢首歌呢？」演唱會最後一首歌，基仔帶來新碟的作品《初心》，他語重心長地說：「而家做歌做得多，做碟做得多。我唔再係諗住要做幾多首Hit嘅情歌，幾多首《必殺技》。而係想為香港做得更多，所以我即將推出嘅新碟，係以『香港故事』做主題，例如呢首《初心》，都係想寫畀香港。」

Encore時段，基仔更帶來未見街的新歌《勁揪》。可能大家也相當期待尾段會聽到《勁歌金曲》，不過今次encore沒有《勁歌金曲》，基仔反而帶來了另一個《金曲medley》，把不同的大熱作品放入其中，包括《義海豪情》、《任天堂流淚》、《眼睛不能沒眼淚》、《第二最愛》、《天才與白痴》、《笑說想》、《飄流教室》、《來年來日》、《地球很危險》、《時代》及《重覆犯錯》。最後更全場大合唱《愛與誠》和《友共情》，順利結束頭場演出。