【專訪】Cheronna唔靠Super Girls單飛出歌：自己都可以唱歌跳舞
有人說「女人多自然是非多」，何況是一隊5人的女子組合。女子跳唱組合Super Girls出道至今雖然得到不少樂迷喜愛，近年卻因為成員Yanny及Heidi早年傳出「為愛反目」一直被指不和。然而，最近成員吳嘉熙（Cheronna）推出首支個人單曲《把持》，成為首位成員單飛發展。事情不禁讓人猜測今次能單飛出歌是否與不和的「機遇」有關？
攝影：黃國立
髮型：Calvin Tsoi @HAiR Salon
場地：台南阿豆仔
「絕對唔係因為不和傳聞而趁機出歌啦。我solo出歌其實係上年已經開始籌備，呢個計劃係好早之前已經開始想實行。大家選擇嘅路唔同，有成員想拍戲，而我暫時想唱歌跳舞，我想畀人知除咗係Super Girls成員之外，我一個人都可以唱歌跳舞！」Cheronna斬釘截鐵地說。
她續說：「今年我打算做3首歌，但係我都唔會將集中力只係放喺自己身上，因為我哋Super Girls都會出新歌，所以我出完呢首歌（《把持》）之後，我就會同其他成員一齊去籌備Super Girls嘅新歌。」
新歌《把持》沿用了與Super Girls合作無間的監製陳考威，加上新曲以跳唱為主，雖然曲風與Super Girls略為不同，「呢首歌由一開始選曲嘅時候已經係諗住我自己一個唱。當時選歌有好多首，但好多曲風上都好group（組合）嘅感覺。要搵一首有節奏，感覺一啲都唔似Supergirls嘅舞曲真係唔容易。」
對於新歌《把持》的MV推出約兩個月已在網上錄得超過六位數字的點撃，MV充分表現出「男仔頭」Cheronna性感，女性化一面。對此，她歸功於選曲時的心事及填詞人林寶的心機：「呢首歌聽demo嘅時候我同填詞人林寶已經有一個感覺，就係想大膽一啲，誘惑一啲，大膽程度可以係形容男與女之間嘅sexual（性）。我覺得近年會提起『性』嘅廣東歌唔多，一般比較保守，其實男與女有性之前，會先有愛嘅感覺，所以點解唔可以將性放喺歌詞上呢？」
有關注Super Girls的樂迷都明白Cheronna的「男仔頭」性格，而且更時常與異性友人稱兄道弟。不過自從她與夏雨的兒子黃奕晨（Dixon）拍拖後，「男仔頭」性格似乎慢慢被社交平台上的「閃光彈」照片洗去，她笑言：「平時嘅我真係唔係咁嘅人，我畀人嘅感覺都喺一個兄弟，性格比例男仔頭。雖然係咁，但我其實都係一個好怕醜嘅女仔，雖然我會與大家分享男朋友生活嘅相，但當我同佢面對面嘅時候，未如大家諗到咁肉麻。」
肉麻定義人人不同，不知道大家看完Cherrona IG上的「閃光彈」後，會否覺得肉麻呢？（點撃以下照片）