【專訪】Hip Hop熱潮越快過越好　MC Jin：咁先見邊啲人愛呢件事

去年《中國有嘻哈》一推出令華語地區捲起一片Hip Hop熱，「你有Freestyle嗎？」成為潮語掛在大家口邊，大家都認識到何謂rap、對Hip Hop有概念。節目令Hip Hop入屋，由從前的「地下」進入「主流」固然是好事；但亦有人會擔心Hip Hop只能成為一時風潮，而非紮實的文化，或者變得商業化。MC Jin對此大方回應：「Hip Hop商業化咗好耐㗎喇！我係一個好好嘅人辦！」
陳順禎攝

雖然有人會對「商業化」一詞反感，認為音樂變成商業化就「不夠Real」，但藝人也是人，也要面對生活現實。MC Jin認只為要心水清，尊重地去做就不用理會旁人眼光：「我都做咗好多勁商業化嘅嘢，勁多！只不過我過到自己嗰關！我好清楚自己為Hip Hop做咗嘅嘢，同埋對Hip Hop個尊重，亦唔需要同人交代。其實每一個藝人都係，只要你心水清嘅，根本就唔使同人交代。」

說到底心態最重要，雖然這是老生常談，但不是每個人都能突破自己的心理關口，MC Jin豁達說：「你話係咪想曝光、想賺錢呀？絕對係啦！」

不過他點出一個關鍵：「就算我做嘅嘢點商業化都好，rap檸檬茶、快餐店乜都好，勁商業嘅我都做過。但個關鍵就係，只要你自己承認件事好商業，咁就冇人可以講任何嘢啦！咁咪就係Hip Hop囉，我想做就去做！我知道出發點係咩！」

至於Hip Hop只能成為「風潮」，還是成為一個「文化」紮根，MC Jin以婚姻去作比喻，他說：「依家就好似Honey Moon，我好期待個熱潮過o添！個熱潮越過得快越好！當追熱潮嘅人忘記咗，放棄咗之後，真真正正鍾意嘅人可以繼續投入。好似兩公婆度完蜜月，返到屋企，到底你洗碗定我洗碗呢？要經歷過呢啲嘢，先至知道個『愛』有幾強。」

MC Jin還以Hip Hop初發展的歷史去解釋現時的狀態，他表示：「會唔會個風過咗之後冇咗呢樣嘢，其實喺美國197幾年嗰陣，就連Hip Hop呢個字眼都未出，就已經有呢個文化、態度、生活風格。當時頭幾年無論媒體、大機構、樂壇，都係批評呢樣嘢好快就bye bye，但係呢個現象已經40幾年前。」

他補充：「將佢套落中國，我強調雖然我哋係因為呢個節目，喺舊年夏天就爆紅，但係你問我，其實中國一直都有Hip Hop，有一班超愛Hip Hop，出騷出Mixtape嘅人，只不過一直都冇一個好大嘅平台去宣揚，而《中國有嘻哈》就打破呢樣嘢，將呢樣嘢帶俾老百姓接觸到。」