許靖韻翻唱謝霆鋒6首金曲　同門師兄妹所以特別有優勢？

英皇歌手許靖韻早前以蒙面歌手「小背心」的身份成為網絡熱話，即使開咗樣亦不減人氣，去年開過個唱，歌曲《琢磨》亦在頒獎禮得到獎項。雖然人人都知「小背心」是許靖韻，但她繼續用該專頁開Live、拍cover，沒有讓樂迷失望。近日「小背心」又有新搞作，一口氣翻唱6首師兄謝霆鋒的經典作品，一手包辦鋼琴、結他、和音，的確落足心機。

許靖韻日前翻唱了謝霆鋒的《遊樂場》、《愛後餘生》、《無聲仿有聲》、《玉蝴蝶》、《非走不可》及《有火》拼湊成medley。唱到《無聲仿有聲》和《玉蝴蝶》時，她將兩首歌重疊，兩段旋律二重唱為樂迷帶來新鮮感。

一眾歌迷「背心黨」紛紛留言讚好，更搞笑話：「小背心mix許靖韻，一個字正！」但亦有網民覺得兩段旋律有點重疊。其實藝術這件事從來都是主觀的，雖然新鮮感未必個個接受到，但看得出許靖韻這次是心機之作。

其實許靖韻仲有一個優勢，話晒佢同霆鋒都係同門師兄妹，咁就可以名正言順翻唱；假若換成其他歌手，分分鐘俾人話抽水。其實霆鋒之前都試過carry師弟妹，去年6月佢快閃現身銅鑼灣與洪卓立、鍾舒漫等人一齊busking。都係嗰句啦，霆鋒幾時開演唱會啫？