【叱咤】許廷鏗喜極而泣攞歌曲獎：我係一個唔識得感恩嘅人

要在叱咤攞獎對歌手來說從來不是易事，所以每年都會見到歌手在這個頒獎台上喜極而泣。今晚又有另一位開心到流淚的歌手是許廷鏗（Alfred）。來到專業推介叱咤十大的第二位，Alfred的《神奇之旅》成功獲獎。他未走到台上已經開始眼濕濕。

他在台上說：「其實今年對我嚟講特別嘅一年，我係一個金牛座嘅人，我今年終於離開舒適圈。我而家先知道其實我係一個唔識得感恩嘅人。一直以來喺我以前嘅公司，其實我前老闆Herman（何哲圖）佢一路都好縱我。俾好大自由度我，但係我覺得佢教識我最大嘅一課係教我點樣去同一個團隊建立。我亦都要多謝謝茜嘉，多謝佢帶我去一個神奇之旅。我係一個好急人，我咩都要控制，我係一個控制狂。佢教咗我一樣嘢，佢話『點解你咁想控制所有嘢，係因為你唔夠信任。』」

其後他少有地在台上多謝家人：「我要多謝我屋企人，睇牙醫好貴，但要供養一個人成為牙醫仲貴。」