【勁歌總選】港姐小花踩上歌壇跳唱甩beat　黑皮衣齋騷長腿勁密實

日前See See TVB就上傳了TVB港姐五位小花翻唱胡鴻鈞《到此一遊》的MV到facebook。該MV就瞬間吸引了過千網民留言，雖然一眾人的焦點仍然落在馮盈盈、黃心穎、蔡思貝、張寶兒和邵珮詩五位小花的歌喉舞步之上，有不少留言更是批評五位動作生硬之外MV又不倫不類。日前5位小花在電視城採排時，訪問中馮盈盈更大爆：「消息人士話呢個MV過百萬！包括拍攝器材、場地同埋特技化妝。」（訪問內容：http://bit.ly/2DxFFKM）

馮盈盈、黃心穎、蔡思貝、張寶兒和邵珮詩，5位「準歌手」一於好少理，皆因TVB已經安排了她們登上大螢幕於今晚（12月30日）的《2017年度勁歌金曲頒獎典禮》上，作為開幕歌曲而亮相於全港7百萬人前，節目更是採取現場直播的方式進行。頒獎典禮之上，5位雖然比起ＭＶ上的更為合拍，舞步亦都齊整了不少。只可惜唱歌方面仍然是一貫的做法，又係後期key聲咪嘴，冇咩真實感。唉，倒不如睇返MV，又或者睇返綵排片段仲好睇啦。

不過講真，唱得唔夠好，跳得唔夠齊又有咩所謂呢。正如大家欣賞韓國女團一樣。耳朵一邊享受著勁歌，眼睛一邊欣賞5位香汗淋漓的熱舞，其實已經好滿足。可以見到5位港姐一齊勁歌熱舞都好難得，再加上每位都排舞超過40小時，咁就已經係值回票價啦。