4日點擊率破10萬上YouTube榜　林欣彤唱《哪裡只得我共你》贏正評

去到年尾樂壇個個都關心數榜，事關頒獎禮陸續舉行，不過有個榜就日日都有人望實，就係YouTube嘅「發燒影片」。不同類型影片都有機會上榜，所以MV能夠上榜實在值得高興。當中，林欣彤翻唱Dear Jane《哪裡只得我共你》走勢強勁，由昨日第7位升到第4位。

眾所周知，《哪裡只得我共你》是樂隊Dear Jane「愛情三部曲」的第一章，陳浩然與高小曼兩個角色道盡不少現代人的愛情故事，一聽到intro的旋律即刻畫面出晒嚟。Dear Jane的編曲是Rock Ballad的風格，鼓聲與結他聲澎湃將歌曲氣氛層層遞進。

而林欣彤翻曲的編曲改只得鋼琴及弦樂，速度亦原曲稍慢一些，聲線唱腔變得軾柔，帶聽眾進入另一個情緒。林欣彤更於影片描述寫道：「你仲記唔記得你曾經講過D 咩 ?再睇返你幫我拍既片，我一個人已經唔敢再去返呢D地方」，到底她因何事如此感觸？有網民更表示一路睇一路喊，認為「給人一種已經分開了回想過往回憶的感覺」。

一首歌有兩種感覺，未知林欣彤與Dear Jane有冇機會同台唱Live送份禮物俾fans呢？