【專訪】許廷鏗開紅館要等時機　夠歌唔代表ready：唔想浪費機會

轉會後，新公司落足本為許廷鏗宣傳，不單止在外牆賣廣告就連巴士車身都有，如果係呢個配套之上，再加上一個紅館舞台都否更完美呢?再且，好友吳業坤、鄭欣宜，甚至是比他遲出道的JW也已經/將會在紅館開唱。「好多人都話我夠歌可以開啦，但夠歌唔代表ready，我唔想白白浪費了這機會。」

大碟11月初面世時，許廷鏗隨即獲安排了一個「神奇之旅」，目的地是新加坡告馬來西亞，起初以為會是一般的旅遊節目，一心諗住有胡椒蟹、肉骨茶食，結果他得到韓國天團BIGBANG成員太陽以及台灣天團五月天的演唱會門票。「太陽有一種爆炸力令你可以全晚都望實佢，我記得有幕佢扮要返後台，行幾步又轉身講good night，老實唔係個個做到，一個唔小心就係娘，但佢係好cute咁做到，佢表演力真係好強，絕對可以係專業到一個點。」睇完太陽之後，許廷鏗被安排飛到馬來西亞看五月天，他說自己從來不是五迷，但記得去年在香港聽到他們唱《勇敢》時，眼淚不自覺流下。「果時係諗緊要唔要轉會，而首歌係叫自己勇敢再勇敢，睇到啲歌詞之後好似真係有啲得著咁，自己都會諗觀眾來看的演出時，是否也可以得到些什麼呢。」

要做到一個令觀眾難忘、全程目光離不開舞台的演唱會，相信並不是光靠騷肌就可以，要click中觀眾的點或者成為他們的茶餘飯後就更加難。筆者說笑提議不如跳舞，許廷鏗說自己也曾在音樂會做過這舉動，並慶幸無穿無難。「好多人問我幾時去紅磡，正正有呢個憧憬，所以更唔想魯莽地進行，紅館既係一個指標，亦係一個好神聖的地方，夠歌唔代表ready，我唔想浪費呢個機會。」

距離ready還有多遠呢?許廷鏗說希望可以在兩三年內，將自己的狀態提升到夠格開紅館，不過這只是他個人的想法，公司當然是想愈快愈好，看到朋友一個個走入紅館，難道不曾心動嗎？「又真係無，好似Joyce咁佢而家隻腳咁，都要諗到時點，我有同佢講需要搬搬抬抬隨時出聲，你睇今年柏宇、側田、JW都開，我而家去，唔係話要突出過他們，但都要搞清楚自己在這舞台到底代表什麼。我好記得Miss Chan Chan(陳潔靈)做《超級巨聲》時，曾經話過上呢個台唔難，但要以個人身份再上就好難，一個咁有經歷的人都會咁講，令我更覺得需要時間同功夫去準備點運用呢個舞台。」新碟趕及在頒獎禮前夕面世，雖然在叱吒我最喜愛男歌手五強止步，但上台的機會依然是有的，更何況2017年對許廷鏗來說只是一個開始、尋找方向的一年，明年才是見真章的時刻。祝你好運！

埸地提供：hmv銅鑼灣旗艦店