【專訪】余香凝轉型做歌手有自信：我自問喺其他女仔入面唱得唔差
余香凝由「文青女神」變成《骨妹》中的「18號」，再變成唱作歌手推出《你愛的人上》，歌詞訴說着Bitter Sweet的故事，送給那一位在自己人生低潮陪伴在旁，讓余香凝重拾笑容的男生。雖然兩人「朋友以上，戀人未滿」，但仍然在余香凝心中佔一重要位置，並寫下《你愛的人上》一曲感激那位男生。
攝影：梁碧玲
Model變「骨妹」再變「歌女」？
余香凝懂得彈結他，又會創作旋律，但她當歌手路也曾遇過挫折大受打擊，她表示：「當時係好想做歌手，喺接《骨妹》呢個角色之前有去唱片公司試音。我唔係自大，我自問喺其他女仔入面我係唱得唔差嘅，但最後都失敗咗。不過可能係因為其他因素，眼緣等等各樣冇俾人揀到。但係都好嘅，一切好似鋪定咗咁，之後俾我接觸到演戲，發掘到自己更鍾意嘅嘢。」
余香凝又以「空白」來形容接觸演戲前的自己，雖然歌手的路不太順利，但做演員令妹對身邊事物更多體會，接觸到社會上不同的人，對歌曲創作也有幫助。
「你係咪玩我呀余香凝？」
余香凝將生活中的點滴化作旋律，用電話記錄下來，慢慢就累積了一堆demo，有些是零碎的片段，有些是完整的有曲有詞，最後監製選中《你愛的人上》的旋律。起初余香凝堅持要親填詞，不過到交歌日，竟換來監製一句：「你係咪玩我呀余香凝？你畀啲咁嘅嘢我？」幸好監製J Lee本身也是余香凝的結他老師，兩人關係熟絡才不至場面難堪。
余香凝都笑言：「如果你問我導演定監製惡啲，真係揀監製，哈哈！」她又提到唱歌比演戲更難：「情緒上演戲易處理啲，不過唱歌錄音嗰陣，就算你feel到個感情好到，慘到想喊，一喊又會影響聲線就走晒音，真係好難拿捏。」
錄音室哈碌嚇親老闆？
第一次入錄音室對每一位歌手都是大挑戰，余香凝也不另外，她更提到有次哈碌嚇親老闆：「第一次錄音兩位老闆嚟咗支持我，本身第一次聽到自己把聲咁清楚已經好緊張，仲要佢哋好近咁望住我，搞到我仲緊張。一開聲就走晒音，搞到老闆問監製『點解會咁嘅？』」幸好監製幫忙打圓場，再加上余香凝唱多幾次習慣了便回復水準。這次錄人聲花了兩日，錄了數十take，余香凝都笑言辛苦監製。不過監製經常重播她的走音，連余香凝都忍唔住話：「希望佢真係delete晒啲錄音佢！」
寫歌俾其他男仔唔怕男友呷醋？
《你愛的人上》是余香凝一段「那些年」的經歷，怕唔怕男友覺得大細超會呷醋先？余香凝表示不擔心：「其實大家都大個，佢都夠成熟去接受一啲嘢，我都好直接咁話呢一個人喺我生命都幾重要。我暫時活到24歲，最低潮佢就喺我身邊鼓勵我，你要我同佢完全唔聯絡係冇可能。更何況大家都只係update近況，同嗰個男仔又唔係好close。」余香凝補充這首歌不是「收兵歌 」，是感謝對方的一首歌。
有次余香凝現場唱出《你愛的人上》，故事主角更突然出現在觀眾席中，余香凝看着對方演唱，像是將這份禮物現場送給他一樣。
將車禍經歷放進歌曲？
月前余香凝遇車禍令面部受傷，不過最大影響不是外觀而是心態，她表示：「最大影響係心態，以前會覺得要追逐好多嘢，但係嗰次經歷到生死喺嗰兩秒嘅事，依家體會到應該及時行樂。同埋到依家都仲好記得嗰陣味，本身我以為係自己流鼻血嘅血腥味，但事後朋友講起先發現，係安全氣袋彈出嚟嗰陣嘅炸藥味。」最後余香凝都笑言：「好彩係揸歐洲車，如果唔係就會死咗。」
余香凝透露會將這段經歷放在歌曲，不過現時正準備新歌，是一首Sweet又溫暖的作品，被問到是否送給男友，余香凝腼腆說：「一半半啦。」