【買飛攻略】4個不能不看的國際騷 最平要幾多錢先睇到？
繼Ariana Grande上月來港開騷，緊接Ed Sheeran下月又即將到港。歐美流行音樂的忠粉以為過了11月終於可以儲錢過肥年？不好意思，2018年頭又有天團Imagine Dragons和ONE OK ROCK來襲。錢賺了還是要洗，似乎來年農曆新年的利市錢，大多也是要進貢給一眾歐美歌手，尤其是下年5月，Bruno Mars《24K MAGIC WORLD TOUR 2018》將由比利時打到嚟香港，是繼2014年後，Bruno Mars再度來港開騷。剛才隨便數一數，已有4個不可不看的世界巡迴演唱會。身為忠實的歐美流行樂迷，深信只關心兩個問題。一，如何可以撲到飛？二，睇晒3場騷，最平到最貴要幾多錢？
想知呢幾個騷嘅賣飛情況？放大圖片就有得睇！
跟大家分享完門票詳情，當然要與各位分析一下買飛攻略。如果要睇晒4個騷，最平到最貴要幾錢？首先大家要諗清楚睇唔睇Ed Sheeran，如果要睇，網上放出的門票已經由$1660起跳。而Imagine Dragons可說是最抵睇，$388就有交易。雖然ONE OK ROCK未有正式售價，不過參考他們12月在倫敦開騷的票價，最貴企位也只是34.75英鎊（大概相當港元350） ，保守一點，最平的門票可能是$488。而Bruno Mars相對便貴一點點，最平的門票也要$788，所以睇晒4個騷最平也要大約$3300，努力多儲幾個月錢應該問題不大。
不過如果你想豪一點，當然Ed Sheeran的炒價$1660門票難不到你，而Imagine Dragons最貴也只是$888，完全不成問題。再參考一下ONE OK ROCK在2016年來港開騷的價格，最貴也只需$780，不過ONE OK ROCK近年在國際上火速走紅，今時又點同往日，所以今次最貴門票分分鐘要$1080，不過比起Bruno Mars仍是小事，因為今次Bruno Mars最貴門票高達$2088。其實比起其他國際巨星，他實在不算貴，但睇外國騷，識睇當然睇企位，最貴企位其實只需$1488。所以如果想用最舒服的方法睇晒4個騷，大概便需要$5200到$5800左右。如果計掂數就唔好諗，快啲撲飛啦！