【中國新歌聲】對決首戰顏值高 周董那英戰隊兩大美少女出戰
撰文：彭嘉彬
出版：更新：
《中國新歌聲》經過五集沉悶嘅盲選儀式後，節目中四位導師終於集齊九位隊員。嚟到第六期節目，終於進入戲肉，進行「導師魔鬼六次方循環大淘殺」環節，聽個名都知道厲害，不過到底要做啲乜？齋睇個名就真係令人搲晒頭。介紹返，導師每輪都會選擇一位心水學員同另一隊伍對決，總共六輪對戰由51位資深音樂人擔任評委進行投票，票選贏出嘅學員將會晉級，輸嘅學員就立即淘汰。
作為首戰，當然要有返啲睇頭！那英同周杰倫各派出自己戰隊嘅一位美少女作為首戰選手，觀眾除咗大飽耳福之外，同時亦大飽眼福。代表那英戰隊出戰的謝慧嫻選擇了方大同及王力宏的《Flow》作參賽歌曲，這首節奏感強勁的作品，Funky之餘帶點中國風，在編曲上的確做得不錯，相當適合謝慧嫻的跳脫外型，可惜歌曲難度欠奉，對上周杰倫的愛將，可說是在氣勢上輸了一截。而周杰倫戰隊方面則派出了愛將陳穎恩參賽，並唱出張學友的《時間有淚》，同樣在編曲方面加入中國風元素，十分代表到周杰倫的音樂風格，作為一首慢版情歌，陳穎恩的發揮非常穩定，更能在副歌的高音位置帶動聽眾，所以結果自然由陳穎恩以40票對11票的大比數勝出今次對決。
說起這位陳穎恩，她在盲選中唱出《那些你很冒險的夢》時已技驚四座，周杰倫更以「加入我的戰隊，我讓你下次唱歌是在我的演唱會上面。」為由，從那英手中成功搶到這位隊員，周董更曾大讚她：「我一直想找一把唱情歌很有殺傷力的聲音，就是你！」似乎這位陳穎恩將是《中國新歌聲》今個季度的大熱冠軍人選。