鐵定回歸香港街頭玩Rap？　MC Jin：逢星期一﹑四喺香港Busking！

MC Jin自從化身Hip Hop Man參賽《中國有嘻哈》，他在兩岸三地的人氣可說到達事業生涯中的另一高峰。回流美國多年的MC Jin最近行縱更是神秘，除了與家人定居美國外，時而會看見他在內地有不同的節目及品牌合作，時而又會看見他在香港街頭上快閃Busking。昨天晚上，MC Jin便突擊出現在903電台節目《聖艾粒忌廉夜校》，讓節目主持少爺占及當奴也嚇得呆了半晌。

事緣每逢星期4深夜12點，艾粒主持的903電台節目《聖艾粒忌廉夜校》也有「Hip Hop Battle」環節，而剛好身處電台的MC Jin便戴着Hip Hop Man面具現身，即場參與遊戲環節，他更笑指一眾主持：「你哋有晒歌詞，點算係Freestyle呀？我覺得一點都不行。」隨即便以Freestyle應戰昨夜的Battle題目「游水」。

其實早在1年前，艾粒化名「五行欠」為演唱會《Yo！聖艾粒Battle五行欠》創作主題曲《香港大河蟹》時，MC Jin也曾助陣為他們擔當Featuring，更特意拍攝了MC Jin版的MV。提起此事時，MC Jin表示：「我拍呢個MV嘅時候都好開心嘅，上年因為工作就返咗嚟（香港）1個星期多啲，不過無人理咋嘛，因為我未係Hip Hop Man呀嘛。」雖然MC Jin面帶笑容說出這番說話，不過卻聽出了內心的辛酸，他開玩笑續道：「其實我嗰個星期不停企喺彌敦道都無人理囉，但係而家Hip Hop Man企喺彌敦道就今時唔同往日啦！不過無論你理我又好，唔理我又好，你鍾意Hip Hop Man又好，唔鍾意Hip Hop Man又好，總之大家開開心心我都好滿意啦。」

上年為艾粒Feature咗一首《香港大河蟹》，MC Jin仲特登走去香港唔同嘅特色景點拍MV，你又認唔認得呢啲地方？

當少爺占問到大家最關心的問題：「MC Jin會否留在香港？」MC Jin立刻解釋：「其實我參加《中國有嘻哈》嘅時候，我嘅心態都係想接觸到中國Hip Hop嘅文化，亦令自己有突破啦，所以而家真係做到。我而家逢星期一同四都會喺香港Busking，旺角又去過，銅鑼灣又去過，想俾大家睇到我對呢件事係有誠意，特別係想同大家感受多啲街頭音樂，見到大家都好好反應，我都好感動。」而當奴勸導他多點留在香港時，少爺占亦大讚MC Jin：「你知唔知香港Hip Hop靠晒你啦？10年前同而家都係一樣，都無進步過啦香港Hip Hop。」MC Jin隨即謙虛表示香港還有很多好Rapper，更把他們的名字以Freestyle形式逐一致敬，如軟硬天師、尹光、LMF、廿四味、農夫等等，不過正所謂「老貓都會燒鬚」，Rap到家燕姐時，未知是否這個殿堂級名字令MC Jin也感到有壓力，所以最後「口窒窒」收尾，為聽眾增添不少歡樂。