新城勁爆2024｜馬浚偉決意廢除分豬肉慣例 拒受訪回應裁員傳聞
撰文：鄺鈺瑩
出版：更新：
《新城勁爆頒獎禮2024》將在12月28日下午3時會展舉行，今午舉行記者會時，近百歌手以運動look出席，但一如以往未有華納歌手出席，而大國文化僅派出Sica做代表。
據新聞稿上所寫︰「馬浚偉果斷決意廢除分豬肉慣例，將往年的過百獎項大幅縮減，以確保獎項的公平性。」不過，翻查資料，改革早在2016已進行，2018年成功創出新低 — 61個獎。
身為首席營運總裁嘅馬浚偉，今日亦有現身記者會，但他表示唔做訪問兼唔獨立拍照，仲話︰「留返畀啲歌手」，未有就年底大裁員一事作出回應。現場所見，記者會開始前夕，不停有歌手上前與馬浚偉打招呼，部分更健談甚歡。而眾歌手大合照時，馬浚偉亦一直留在台下手指指做指揮。