馮允謙個唱尾場胸襲嘉賓Ian哄動全場　蘇志威帶索女兒捧場

Jay Fung馮允謙在紅館舉行一連三場「the SOUNDTRACK of my LIFE馮允謙演唱會2024」，昨晚（11日）尾場邀請MIRROR成員陳卓賢（Ian）做嘉賓，當二人合唱Jay為Ian作曲的《DWBF》時，Jay突然出手摸Ian胸，全場尖叫，Ian呆了半秒。其實早在三年前他們第一次合體舉行「我是現場002」音樂會時已發生過，昨晚算是延續他們「傳統」打招呼方式。

他們台上憶述初次合作情景，Jay表示當時互不認識，Ian笑說：「我識你，但你唔識我。」Jay說：「只係未互相認識啫！」Ian表示多謝Jay邀請，原來去年Jay首個紅館騷時已曾邀請Ian做嘉賓，但當時Ian忙於拍劇，今次再度邀請，Jay說：「我話第二次問你啦，如果都唔得，我就好傷心！佢話： 『Trust  me bro，無論點都好，I’ll be there！』多謝Ian，等咗3年再有機會一齊唱歌。」Ian揚言是Jay的歌迷，最喜歡其作品《Me and the Moon》，原本好想今次唱，但此歌已在他出場前唱了，所以選了《DWBF》合唱，之後Ian獨唱《地球上的最後一朵花》。

昨晚兩度Encore，Jay換了演唱會版黑色tee出場，揚言歌單已唱完，觀眾吶喊不同歌名點唱，Jay笑說：「好嘈，我咩都聽唔到。我有睇你哋啲Comment 架，『Jay Fung做咩唔唱舊歌？』我唱舊歌，你哋係咪會一齊唱先？我唱你哋唔唱，我嬲架！」Jay式撒嬌好搞笑，然後大合唱《我好想你》全場燈海，場面震撼。之後歌迷又不肯散場，Jay唱《生不逢時》後向歌迷飛吻揮手道別，一連三場演唱會在歡呼聲中完美落幕。

Jay透露唱到流鼻血

完場後接受記者訪問時，Jay解釋無意胸襲Ian，只是想「俾膽佢」，拍拍他打打氣。Jay還透露趁Ian唱歌時，他落台換衫期間突然流鼻血，令他一度猶豫應否終止演唱會，最後他堅持上台演出。他說：「當我唱到《約齊靈魂在墳幕開生日派對》時，好驚噴血，所以之後幾首歌我都少少抬頭、向上望，好驚流出嚟！」

昨晚蘇志威帶埋跟媽媽劉小慧餅印一樣的25歲大女Yumi蘇君蕎一齊睇騷，還有老闆林建岳、梁釗峰、NowhereBoys主音Van與太太Wendy 、MIRROR成員李駿傑(Jeremy)、ERROR隊長梁業、李幸倪(Gin Lee)、RubberBand主音6號與太太Tim Lui、林奕匡與太太李靄璣等好友捧場。