炎明熹傳離巢被雪藏冇得出席港台頒獎禮 同公司詹天文以19字回應

JW上月無預警宣布同富貴男友結束六年情，今日（23日）她出席《十大中文金曲音樂盛典》時接受訪問，多次表示十分享受單身生活，又謂好耐無好好與屋企人、朋友相處。JW又話由於已分手大半年，所以心情亦已整理好。「我成日都唔記得同朋友、屋企人一齊，而家係enjoy life，努力做嘢。」問到身邊有無追求者，她即笑笑口表示：「咁我諗都⋯可能⋯唔知呢，睇下點。我覺得我而家所有嘢都係低調，因為俾你嚇親我。」問到朋友有否做媒人，JW即笑言：「我喺呢大半年都認識咗新朋友，朋友咋嘛，點都要由做朋友開始，人生咁短，自己開心就得。」

炎明熹今晚雖獲「優秀流行歌手大獎」，但未有現身頒獎禮，有傳是因為她不續約而遭公司雪藏。同公司嘅詹天文、林智樂表示未知對方缺席原因，詹天文更叫大家唔好亂猜測，又話唔需要特別慰問對方。「因為畢竟都傳聞，所以唔會問，佢要講時就會講。」