【一首歌】蔡卓妍周柏豪《請你愛我》：情人若犯錯終可一一寬恕
撰文：史順宜
出版：更新：
阿Sa蔡卓妍剛剛被爆與麻雀館太子爺Anthony Shek（石恆聰）嘅戀情，不過大家唔好只係將目光放喺佢嘅戀情，其實阿sa近期都有唔少非常好嘅出品。唔計電影，一定要數蔡卓妍與周柏豪為電影《原諒他77次》合唱嘅主題曲《請你愛我》。
《請你愛我》由梁秉仁作曲，原著小說作家兼電影編劇李敏填詞，徐浩、周鍚漢聯手監製，歌曲MV由發佈到依家已經差唔多有60萬點擊，係香港近年少有合唱歌而且有如此點撃的其中之一。
「私家的戀愛／或許妒忌和在意」
如果大家未睇《原諒他77次》的話，只可以話哩首歌《請你愛我》用上甜蜜嘅歌詞，配上一個sad嘅melody形成強烈對比；但如果你有睇哩套電影嘅話，你或者會聽得出其實歌詞完美表達《原諒他77次》內男女主角之間，雖然相愛但要忍受對方不足而感到嘅矛盾。