沙田請食飯黨？2普通話女求買包　港男1招KO即走　網民猜她想買…

「借錢黨」、「請食飯黨」殺入沙田？有港男於網上沙田群組發文，指與太太經過在沙田中心平台時，有2名操普通話女子走近要求買「包」，他聞言即時出絕招，2名女子頓時「敗走」，走入沙田中心。帖文引來網民熱議，「而家唔會直接問攞錢……但會用唔同嘅理由想你買嘢畀佢食……真係唔知咩玩法」；也有網民笑言「包」的定義，「麵包定手袋呀」。

該港男上周六（3月9日）下午於Facebook群組「Go Go Shatin」發文，指與老婆經過沙田中心平台時，有2名操普通話女子走近請求「大哥可否買兩個包畀佢」。樓主聞言出絕招，「我即和老婆講，她們即刻話無嘢，她們即進入沙田中心」。

港男出招令2名女子當場「敗走」，帖文引來網民熱議，「而家唔會直接問攞錢……但會用唔同嘅理由想你買嘢畀佢食……真係唔知咩玩法」、「帶佢哋去麵包舖啦，睇下店員畀唔畀包佢哋？」。也有網民笑言，「同老婆講低聲，同佢去買個麵包啦」，又人則笑指對方所指的「包」可能不是麵包，「麵包定手袋（又稱『包包』）呀」。