借錢黨？港媽港鐵站遇求助　稱澳門賭輸錢　網民嘲︰真嘅都唔抵幫

騙徒總以不同藉口騙財，內容有時匪夷所思。有港媽在港鐵黃大仙站出口遇到1名內地人，聲稱在「澳門賭輸錢，冇錢食飯」，希望她施捨數百元，她拒絕後呼籲街坊小心。網民看過帖文笑言「係真嘅，都係抵死，唔值得幫啦」、「話跌咗銀包都好啲，去澳門賭錢點畀錢佢呀」。

樓主在facebook群組「黃大仙區友」表示，日前在港鐵黃大仙站D出口遇到懷疑內地借錢黨，對方聲稱在「澳門賭輸錢，冇錢食飯」，而家人則在站內看守行李，希望她「畀幾百蚊食嘢」，但對方沒有交代為何仍有錢買船票到香港。

樓主沒有借錢，但無交代如何打發對方。網民看過帖文認為騙次的藉口匪夷所思，紛紛笑言「係真嘅，都係抵死，唔值得幫啦」、「澳門輸錢走嚟香港呃錢！搵鬼信」、「澳門賭輸錢可以返到嚟香港，唔係輸咗好多」、「話跌咗銀包都好啲，去澳門賭錢點畀錢佢呀」、「大陸人喺澳門輸錢去香港問人拎錢係咩玩法？」。

有網民指，日前在鑽石山A2出口亦遇到類似的借錢黨，他報警後警員到場檢查他們的身份證明，雖有留言指警方只會叫那些人離去，他稱「可以咁講，但好過唔報」。