攜愛犬到餐廳叫外賣！聞無禮店員對話勁火滾　狗主出PO轟：無下次

當住狗主面前打量愛犬體重，還提吃狗肉？日前有狗主攜同愛犬到太子某餐廳叫外賣，排隊時店內兩名男職員卻口出狂言，唱雙簧稱「一睇就知有15斤」、「好耐無返XX食狗肉」，不恭口吻令事主深感不忿，故於網上公開事件，認為「唔想做我生意可以叫我走」，更揚言「無下次Black list（列入黑名單）」。帖文引來網民批評兩名店員「賤格」，「唔係唔想做你生意，係賤口唔識尊重人同狗」、「低俗當風趣」。

該狗主在facebook群組「唐狗之家~支持領養」發帖，指某日帶同愛犬散步，順便想買外賣回家，但眼見已有數人在排隊，擔憂自家狗隻「企唔定」會騷擾他人，只好抱起牠，想要盡快付款然後離開。不料突然有兩名男職員竟然一唱一和稱「一睇就知有15斤」、「好耐無返XX食狗肉」。

面對店員「兜口兜面」出言侮辱，樓主深感不滿，認為「唔想做我生意可以叫我走」，毋須這樣說話，質疑「我嘅寶貝喺你眼中係食物？」。她又指對方有言論自由，但對此不愉快經歷就揚言「無下次 Black list」。

網民怒斥兩名店員賤格，「黐線！試吓喺我面前講，我即刻大大聲Ｘ到佢上天（花）板」、「低俗當風趣」、「唔係唔想做你生意，係賤口唔識尊重人同狗啫」、「呢啲食狗肉嘅人罪孽深重，佢會得到應有嘅報應」。有愛狗網民亦認同樓主，「咁黑人憎，餓到胃痛都唔會幫襯」。

有人認為樓主當時應要反擊，「大返佢，大大聲話錄音覆人嗰時唔覺意錄咗佢哋嘅對話」。樓主回覆指由於事出突然，來不及反應，無奈表示「開頭以為自己聽錯，無諗過喺香港會聽到啲咁樣嘅說話」。另有網民無奈表示，會避免帶狗隻到人多地方，「一來行得唔舒服，二來香港始終對狗有敵視嘅人好多」。

（FB「唐狗之家~支持領養」）