觀塘水浸見父愛！黑衣男肩孭書包　抱仔涉水返學　網民讚︰畀個叻

【觀塘水浸】本港早前才剛剛經歷完「500年一遇」世紀黑雨，但暴雨昨日（11日）再度襲港，天文台同日發出局部地區大雨提示，觀塘曾錄得每小時46毫米雨量。觀塘雖然變成「水塘」，但由於雨量未有影響廣泛地區，所以大人要返工，小朋友都要返學。網上流傳一名黑衣男子在觀塘孭住書包，同時手抱一名小朋友，在水浸中濺起水花行走，樓主表示相片反映「父愛」、「有咩緊要過返學」，網民紛紛大讚「畀個叻爸爸」、「好有愛啊」。

樓主在instagram上載影片，表示為昨早（11日）9時許拍攝。片中可見，觀塘翠屏道近福塘道當時水浸，水深及膝。一名黑衣黑褲男子右肩孭住書包，並用雙手抱住一名身穿黃色雨褸的小朋友，避免小朋友沾濕，男子涉水而行，不時濺起水花。

樓主在影片中加入「父愛」和「有咩緊要過返學」的標籤，網民大讚「畀個叻爸爸」、「好有愛啊」，但亦有人擔心片中父子安全，認為「下次真係唔好咁做！好危險」。

（instagram）