【超壯觀】拍攝不一樣的大廈　攝影師：有責任為香港留影

高樓大廈滿佈是香港特色之一，有攝影師以航拍拍攝香港高樓大廈屋頂，甚為壯觀，數張照片合共吸引數千人次網民讚好。
攝影師Andy Yeung接受《香港01》訪問時指，身為香港攝影師，有責任為香港留影，同時希望港人關注居住環境問題。

航拍如鳥瞰　真正石屎森林

Andy本月初起上載新系列作品「Walled City | 圍城」到其facebook專頁，作品皆以俯視角度拍攝，一幢幢高樓大廈屋頂展現出不同的幾何圖案。不少網民除讚好照片外，亦留言稱讚Andy的相片「美得難以置信」（Incredible photo!）、「好似成個森林咁樣」。

「Walled City | 圍城」系到作品共有九張航拍照片，Andy接受《香港01》訪問時指，此系列由今年初開始拍攝，拍攝地點為紅磡黃埔花園、坪石邨及九龍灣麗晶花園等。

小時候居於九龍城，眼見九龍城寨人口及建築密集，Andy笑言「而家好多屋苑都有啲以前嘅風格……一打開窗就見到對面間屋，你眼望我眼」。全港各處都佈滿密集的大廈，部份屋苑大廈與大廈的距離只容得下一個籃球場或羽毛球場，「呢個係香港好特色嘅居住環境」。至於以俯視角度構圖，Andy指此角度更可表達出大廈圍繞著狹小的公共空間。

冀港人反思居住環境

居住空間狹窄，香港人或許早已適應，「好多香港人都未試過有多啲私人空間嘅居住環境」。但Andy引述其居於美國的朋友指，「如果咁多棟大廈得一個籃球場，係好匪夷所思」，故Andy拍下最新一輯作品「Walled City | 圍城」，拍出香港不少「插針樓」，「希望大家反思一下而家咁嘅居住環境」。

為希望拍到有趣構圖畫面，Andy笑言「搵呢啲pattern搵得好辛苦，摷Google Map先搵到啲地方、用呢種特別嘅構圖嚟影」。數到此系列中的最愛，Andy指過往曾在黃埔花園附近工作，但卻從未以俯視角度觀看黃埔，「有好陌生但又好熟悉嘅感覺」。另外，Andy亦喜愛麗晶花園一圖，「咁密集未試過用航拍影，飛咗上去先發覺咁特別」。

以攝影表達對香港的愛

Andy其他作品亦有拍下不少公屋面貌，Andy指雙塔式公屋設計為香港獨有，「外國好難會搵到，呢個係香港特色之一」。他又直言，拍攝香港面貌「係一種愛嘅表達」。2014年Andy曾有離開香港的念頭，但他亦認為自己在香港出生、身為一個香港攝影師，「無好認真咁影香港，有啲guilty」，其後亦認為有責任認真為香港留影，便決定開展一個又一個拍攝香港的計劃。其他作品包括拍攝香港街道的「Remember Hong Kong」、反映香港為石屎森林的「Urban Jungle」及紀錄雲霧香港的「Urban Fog」等。