好人好事！搭的士遺手機　暖心司機車入荃灣西歸還　拒收酬仲咁做

善心的哥！有網民日前發文，指朋友坐的士遺失手機後嚇到心慌慌，致電手機號碼後司機接聽不特止，還車到入荃灣西歸還。當他想給司機一點「茶錢」道謝時，對方拒絕收錢還「抌出車」，不過他覺得不好意思，將錢再「抌入車」後馬上離去。有網民大讚司機不求回報的助人行為，「祝司機路路暢通」，但竟有不少人認為司機舉動是因為茶錢金額太少，才會將錢丟出車外。

樓主在facebook群組「的士乘客及司機行為分享區」發帖分享好人好事，事緣日前朋友坐的士時遺留電話在車內，「嚇到X街」。他致電朋友的手機，司機不單止肯接聽，還幫手送去荃灣西歸還。

樓主指友人想給司機一點「茶錢」道謝，「佢唔肯收，仲dum（抌）出車窗，我最後抌返入去，然後跑走咗」。友人於是發文道謝，祝好心的哥「日日爆數，數錢數到手軟」，又形容對方是「世一的士佬」。

網民大讚好人好事，「好司機要支持」、「真係萬中無一，祝司機路路暢通，一日搵過$2000」、「根本好多司機都會畀返，只係放上網多謝司機的人少」，又認為有時要看乘客要求領回手機時的態度，「好視乎態度、好誠懇一句唔該、畀唔畀乜嘢酬勞無所謂」。有留言則認為如果司機不想收取報酬，樓主也不應強人所難，「人哋都掟到出窗唔收，就唔應該勉強人，你係破壞緊人哋信仰」。

然而，有網民批評司機不應丟錢，「掉出窗呢下好笑」、「抌錢呢個行為非常之冇禮貌喎」、「咁啱食環行過，司機俾人罰咗 $1500扔垃圾」。不少人更懷疑事主給予的「茶錢」金額太低，被司機嫌棄，「會唔會畀太少唔夠飲茶」、「咁少點收」、「可以掉出事，可能係廿蚊紙」，引來網民慨嘆：「明明係一件好事（唔理真定假），呢度啲留言都可以咁負面。」

（facebook群組「的士乘客及司機行為分享區」）