不齒女司機違泊兼亂拋花生殼　熱心港男影相逼拾回　網民讚做得好

亂拋垃圾已經過分，加上違例停車，簡直「離晒大譜」。1名港男日前路經堅尼地城卑路乍街，見到一名女司機違犯交通規例停車，又在車內食花生後拋下大量花生殼在馬路，好言叫她拾回垃圾，但對方聲稱「等工人返嚟先執」，港男不忿下影相，再等候對方何時拾走垃圾，最後女司機拾回花生殼，網民大讚港男「做得好」、「好少人可以咁敢言」。

事發於堅尼地城卑路乍街23號對開，該路段劃上單黃實線，設有路牌寫明上午7時至晚上7時期間不許停車，樓主在facebook群組「西環變幻時」圖文並茂表示，見到1名女司機違例停車，而且從車內拋下大量花生殼，樓主本身不想多事，便好言叫她「執返花生殼，然後走人」，但對方卻一口拒絕，反稱「等工人返嚟先執」。

樓主形容「火都嚟埋」，不但影相留下證據，而且站在現場等待，最終女司機雖然感到不忿，但都自知理虧，唯有下車拾走花生殼。

樓主的舉動引來網民激讚，紛紛留言指「好招積，開車食花生，仲要亂拋垃圾」、「做得好」、「好少人可以咁敢言」、「樓主好嘢」。

（facebook群組「西環變幻時」）