馬路上的武林！停車嗌交　鐵騎士「金剛腿」大破的士「金鐘罩」

駕駛最忌心浮氣躁！日前網上流傳1段約13秒短片，有的士司機與鐵騎士在馬路中間停定車輛破口大罵，絲毫未有留意到綠色燈號，阻礙後方車輛行駛。之後的士開車離去，電單車隨即跟上，並伸出「金剛腿」狠踢的士解恨，雖然的士有「金鐘罩」，但側鏡還是被踢歪。短片被分享到網上後，有網民笑指鐵騎士「好腳法，準繩唔錯」、「一睇就知食過夜粥」。

涉事影片日前在駕駛群組中流傳，約長13秒，片中未有顯示拍攝日期。片段可見，有1輛的士及1輛電單車停在馬路中間，的士司機搖下車窗與電單車司機對罵，他們指手畫腳地相互指責，甚至專注到未有留意綠色燈號。

隨後的士開出，電單車亦即時啟動，但鐵騎士似是未能解氣，竟然踩着雙白線行駛至的士右側，用左腿踼向的士車身後，轉右揚長而去。

上載片段的網民事後更補充，當時正下雨，而鐵騎士「冇失平衡仲落住雨，算係咁」。網民看過片段紛紛表示「爆笑」，「邊度有鐵頭功睇？回水」、「踢到個後鏡，26好腿法」。也有人批評片中的2名司機罔顧道路安全，「為啖氣，阻住晒」、「咁揸車好易出事」。