名牌袋高掛！大媽搭巴士用鐵勾將LV袋掛扶手　網民憂1情況會出事

扶手設計原意是讓乘客於行車期間捉緊，避免跌倒，而非用來掛袋！有港男於網上發文，分享一張巴士車廂奇景照，顯示有中年女乘客將LV名牌手袋用S形鐵勾掛在頭頂扶手上，讓網民紛紛笑言是「懶人孭袋大法」、「喺巴士擺地攤賣地攤貨？」；有人則直言掛袋方式危險，「因間部巴士chok一chok會唔會成個手袋發埋佢塊面度㗎？」。

該港男於fb群組「好fashion呀你」發文，貼出1張疑是從後偷拍的相片，可見一名坐在巴士上背向司機方向座位的中年女乘客，將一個大LV名牌手袋用S形鐵勾勾在頭頂扶手上，並悠然滑手機，照片並無見到有其他乘客阻止其行為。

女乘客獨特的掛袋方法引來網民熱議，「吊高嚟賣」、「咁吊法咪仲易爛」、「側邊應該掛多個紅色街市袋，襯絕」、「用LV坐巴士」、「唔吊高啲，點畀你知道佢用緊名牌手袋」、「個袋貴，但個人cheap」。有網民則擔心掛法危險，手袋隨時成為導致受傷的「元凶」，「一個急剎，會唔會撞到對面乘客頭」、「行斜路隨時做boxing（拳擊）」。