迴旋處轉右行外線　司機公審警車無打燈　網民一原因反勸再考牌

守護道路交通安全，人人有責，但路面上不時仍會出現各種驚險場面。最近有司機在社交平台發文公審，指日前與1輛警車駛至迴旋處，於右線行駛的樓主批評警員雖打算轉右卻行左線，導致他必須急煞讓路，在文中怒斥「阿sir唔打燈、唔響警號、唔識用迴旋處」。然而，不少網民看過車Cam影片後，反指樓主切線駛出迴旋處時沒有看清楚外線來車，留言嘲諷「樓主真係要重新考牌，或者考慮去搭返車」。

樓主於facebook群組「馬路的事討論區」發文及上傳影片，顯示事發於上周三（3月29日）下午近5時，當時正沿右線行駛的樓主與在左線的警車，一同駛入迴旋處。樓主欲切線直行駛出迴旋處，而警車則打算繼續在迴旋處向右方出口前行，兩車車頭幾乎相撞，雙方急煞避免發生意外，最後樓主先讓警車離開。

樓主在帖文狠批「阿sir唔打燈、唔響警號、唔識用迴旋處，讓佢行先仲要手指指⋯⋯」，直斥對方不懂交通規則，又引述《道路使用者守則》表示，若要在迴旋處的第3個出口離開，便需於右線行駛，不應行左線。

事發過程逐格睇：

樓主本想公審警車，惟大批網民看過車Cam影片後，反指他駛出迴旋處時理應先往左方切線，故同樣有責任留意左邊的車輛，甚至形容他猶如馬路炸彈，紛紛留言指「你睇下地下條線先啦，樓主」、「你撞埋去啊嘛，睇唔睇到條地線啊？你過緊線呀，過線使唔使睇車啊？」、「揸車最驚遇到樓主呢種人，你cut線唔使睇車㗎？自己唔啱仲XX懵懵話返人轉頭，仲要咁多人話佢啱先恐怖，唔怪得迴旋處成日撞車」。

對於樓主引述《道路使用者守則》，有網民則回應指切線一方責任重大，「外圈要讓內圈， 但同一時間內圈轉出去外圈，特別係舊式迴旋處， 係一種轉線行為，如果有交通意外撞到盲點嘅車，轉線者責任好大」。另外有網民則「支持」樓主向相關部門投訴，笑言「快啲去1823」、「快啲去交通部告阿sir啦」、「我係你就唔忍啦」。

翻查運輸署道路使用者守則，有關「迴旋處」篇章提及，迴旋處入口如有兩條行車線，除非有交通標誌或道路標記另作指示，否則應依循下圖中藍色線所示的路線行駛：