缺德！公屋戶疑揼沾大小便廁紙落街　下層慘成垃圾崗　房署咁回應

日日如是確實崩潰！有將軍澳怡明邨居民於網上發文大呻，自2月底起有樓上住戶每日都將疑沾有大小二便的廁紙丟出窗外，廁紙跌在其晾曬的衣物及單位石壆上，弄污物品之餘又嚴重影響衛生。她向管理處投訴了兩周，稱管理員僅每日上門拍下證據，「乜都做唔到」，令她十分無助。
房署回覆《香港01》查詢指出，怡明邨物業服務辦事處於3月5日起，接獲怡情樓高層租戶有關高空擲物的反映，辦事處隨即派員到場調查及跟進，並同時採取多項措施，包括以橫額、告示及信件勸喻租戶切勿高空擲物和提醒他們高空擲物的嚴重後果，以及加強保安重點巡查、安排特別行動隊作實地監察、安裝高空監察系統、加強相關宣傳及教育工作等。

該名怡明邨街坊於fb群組「將軍澳主場」發文並貼出多張照片，可見其晾曬的衣物、單位窗外石壆、冷氣機位，甚至窗框上均出現多張用過的廁紙，有廁紙甚至沾有黃褐色的物體。她表示自己居於怡明邨怡情樓，自2月26日起，樓上高層單位住戶每日都將疑沾有大小二便的廁紙丟出窗外，導致廁紙跌在其單位窗外範圍或晾曬衣物上。

樓主質疑樓上住戶有心向其單位的方向丟廁紙，「正常人掉垃圾係向外，但佢就係跌晒我啲衫度，呢一個星期，我邊度曬衫佢就掉邊度」。她崩潰地說，「對於我哋屋企嚟講係大事呀」，直指用過的廁紙不衛生和多病菌，她家中有長者及小朋友，「老人家日日問點算，點搞好」，而小朋友校服要天天清洗，但現時「洗咗冇得曬，點有校服返學呀」。

樓主憤怒稱，「啲人係咪有問題？」、「你有問題去睇醫生啦，唔好搞到樓下日日要見到你啲有大小二便嘅廁紙得唔得」、「你日日咁搞法，人哋唔使住㗎啦，唔通真係變態嘅？」。

有網民猜測，「兇手好明顯係你樓上單位，因為睇你張相你都住高層，太高拋出來就會飄走，而你塊布可以裝到咁多廁紙，樓上單位機會好高」、「怡情樓門口日日都有樓上掉落嚟嘅紙巾同尿片，關唔關佢事呢？」。有人則勸樓上住戶將心比己，「住邊度都好，遇正咁嘅人真係煩到爆，想有個安樂窩都唔係咁易，收工攰返到屋企仲要煩呢啲，真心希望每個人都將心比己，己所不欲，勿施於人」。

有網民建議樓主，「唯有裝部迷你cam喺窗邊，希望影上去拍到啲罪證，然後交畀警方又好食環署又好，一定要對付呢啲人，太冇公德心」、「可以搵啲硬身卡紙貼窗口出面四邊，當佢拋過嚟就會擋晒落街，到時成街垃圾自然有人會查，當然要小心安全」。

房署回覆《香港01》查詢指出，怡明邨物業服務辦事處於3月5日起，接獲怡情樓高層租戶有關高空擲物的反映，辦事處隨即派員到場調查及跟進，並同時採取多項措施，包括以橫額、告示及信件勸喻租戶切勿高空擲物和提醒他們高空擲物的嚴重後果，以及加強保安重點巡查、安排特別行動隊作實地監察、安裝高空監察系統、加強相關宣傳及教育工作等。

房署提到，在現行屋邨管理扣分制下，公屋租戶高空擲物會被扣分。如在兩年內的有效分數累計達16分，可被終止租約。此外，高空擲物也屬違法行為，可被檢控，一經定罪可被罰款及監禁。辦事處會繼續密切監察情況，如證實有租戶觸犯扣分制，定必按機制採取適當跟進行動。