公司晚宴想請張敬軒、MIRROR？老闆1個原因認為應免費　員工嚇呆

不少大公司的周年晚宴都會邀請藝人當主持人或表演嘉賓，但所需的演出費要看邀約的明星卡士而定。早前有打工仔分享趣事，稱公司某次周年晚宴，老闆忽然想邀請張敬軒、MIRROR等當紅歌手表演，當提及預算時，老闆竟表明不打算花錢，原因是「我畀機會佢哋宣傳喎！」，嚇得樓主頓時啞口無言。最終在樓主游說下，老闆總算打消不切實際的念頭，但取以代之卻是由其妻兒上台擔當表演環節，其中老闆妻子的歌喉更是「破地獄級別」，但老闆卻十分欣賞，更稱「下年你早少少搵嗰個張敬軒，睇下佢想唔想嚟同我老婆合唱」，令樓主心裏十分震驚。

該名打工仔在專門報道職場趣事的《辦工室日報》投稿，表示公司早前正籌備周年晚宴時，平時不關心香港樂壇的老闆突然問他現時最當紅的歌星是誰，他答道張敬軒、MIRROR、林家謙和MC張天賦等，對方聽後則表示打算邀請其中1至2人在晚宴上演出，「搞下氣氛，最好叫佢哋幫手抽埋獎」。

樓主得知老闆的用意後不禁倒抽一口涼氣，並質疑公司的預算不足，詎料老闆直言「咩budget啊？要錢㗎咩？我畀機會佢哋宣傳喎！」，又指當晚有美國、加拿大、馬來西亞和新加坡同事到場，加上也並非所有香港同事都認識他們，被邀請的歌手能藉此宣傳，稱「呢啲咪互惠互利囉」。樓主深知老闆的計劃難以實現，便以或導致公關災難為由游說，「傳咗出去仲會俾人話我哋公司小家……何況annual dinner就快到，我諗你搵過氣歌手都度唔到期㗎啦」。

老闆後來沒有堅持要邀請歌手，卻找來妻子上台唱歌，以及兒子表演吹牧童笛，「個老婆唱歌呢part簡直係破地獄級別」，不但嚴重走音，歌單更是「死人冧樓妻離子散」的主題，例如《忘盡心中情》、《上海灘》、《婚紗背後》等。同事們只視當晚的表演為一場鬧劇，但老闆卻非常滿意妻子的歌唱實力，事後更向樓主建議下年找來張敬軒與妻子合唱，但這次沒有認為是免費，反而說「你到時問下幾多錢先啦！」。樓主既無奈又尷尬，大嘆「同你老婆合唱一定係歌手嘅榮幸啦，幫你問埋Bruno Mars同Lady Gaga好唔好？叫佢哋自己出機票飛嚟香港，一於咁話！」。