自私！坐巴士為手機叉電　電線橫跨通道成路障　網民：仆親點計？

是在巴士上設陷阱嗎？有港女日前乘坐960線過海九巴時，赫然發現有乘客坐在下層樓梯口，並將充電線插在對面輪椅位的電掣上，享用巴士的免費充電服務，惟充電線橫跨下層走道，就像路障一樣。照片於網上引起熱議，有網民批評該乘客行為自私自利，「好意思做得出先犀利」、「冇人問候佢咩？」，有人笑言「其實係跨欄」、「我想剪綵多啲喎」、「仆親入邊個數？」。

該港女於fb群組「屯門公路塞車關注組」發文，可見巴士車廂內有乘客竟坐在下層樓梯口，並將紅色充電線插在對面輪椅位的電掣上，令充電線橫跨走道，若有乘客一不留神走過，隨時被充電線絆倒。樓主稱照片於周四（2日）早上9時拍攝，她不禁揶揄道，「有冇衝線嘅衝動？終點係車頭定車尾？」。

帖文引起熱議，有網民指出「第一眼睇，以為畫落去」，有人笑言「紅線係咪有其他意思」、「係月老呀」，亦有網民不解該乘客行為，批評「而家啲電盒（尿袋）好貴咩」、「仆親入邊個數？」、「坐樓梯口可以投訴佢喎」、「詐諦行過俾條線仆倒，跟住叫佢賠錢」。